Word n internasionaal-geregistreerde Weight Management Coach Perspective Training College Plek: Potchefstroom Datum: 25 28 Oktober 2017 Tyd: Elke dag van 08:00 16:00 Plek: Paarl Datum: 22 25 November 2017
Word n internasionaal-geregistreerde weight-management coach Die opleidingprogram werk soos volg: Dit begin met n 4-dag werkswinkel Die volgende kortkursusse moet deurgewerk word: Anthropology401 Ecometrics, Topic 1 & 2 Na die afhandeling van die werkswinkel word dan van jou verwag om een individu en een groep deur die proses te begelei (onder my toesig). Dan kwalifiseer jy om by die International Coaches Register (ICR) as weight management coach te registreer. Tydens die opleiding gaan die volgende gebeur: Jy gaan stap vir stap deur die hele proses begelei word, net soos jy dit met jou kliënte gaan doen. Dit word so gedoen dat jy proefondervindelik deur die proses werk sodat jy nie net teorie vir ander mense hoef te gaan aanbied nie, maar dit wat jy prakties ondervind het.
Die Inhoud Die inhoud van die kursus gaan oor die volgende: Eerstens word jy bekendgestel aan die gewigsbestuurmodel, wat basies die volgende behels: Die huidige situasie Hier ontgin ons alle omstandigheidstres wat die kliënt binne sy/haar huidige omstandighede beleef (wie, wat, waar, wanneer, hoekom?) Die gewenste situasie Wat is die kliënt se droom vir sy/haar lewe? Die probleem Wat is die probleem/gaping (struikelblokke) wat die kliënt tot dusver gekeer het om die gewenste situasie te bereik? Die res van die program handel basies om dan die kliënt te help om al die struikelblokke te ïdentifiseer en daarvan ontslae te raak. Alle struikelblokke word in twee groepe ingedeel: Interne struikelblokke (gebruik Turbo EFT om hiervan ontslae te raak) Eksterne struikelblokke (werk strategieë uit om dit te oorkom)
Ekometriese Assesseringskale Jy word ook opgelei in die interpretering en benutting van die volgende ekometriese assesseringskale: Well-being Indicator (WBI) - om vas te hoe effektief die kliënt se funksionering is? Selfpersepsieskaal (SPS) - om vas te stel tot watter mate n persoon se valse persepsies en oortuigings n struikelblok op sy/haar pad is? Values System Assessment Scale (VSAS) - om vas te stel tot watter mate n persoon se persoonlike waardes die bereiking van sy/haar doelwitte ondersteun of n struikelblok is? Personal Driving Dynamics (PDD) - om vas te stel tot watter mate n persoon se werkswaardes die bereiking van sy/haar doelwitte ondersteun of n struikelblok is? Success Traits Inventory (STI) - om vas te stel watter eienskappe om suksesvol te wees n struikelblok in n persoon se lewe is? Eating Disorder Assessment Scale (EDAS) om vas te stel tot watter mate daar eetversteurings by die kliënt teenwoordig is. Hierdie assesseringskale word dus benut om onbewuste struikelblokke wat n persoon daarvan weerhou om suksesvol te wees, te identifiseer.
Die 3 grootste struikelblokke Soos reeds in die vorige nuusbrief genoem, is die 3 grootste struikelblokke in die pad van die bereiking van n persoon se ideale gewig, die volgende: Stres Verhouding met kos (breinprogramme) Verslankingsdiëte Die belangrikste hulpmiddel om hierdie struikelblokke te oorkom, is Turbo EFT (Emotional Freedom Techniques). Turbo EFT berus op die jongste navorsing in die neurowetenskap. Vir diegene wat belangstel, sal dit goed wees om n paar goeie boeke oor neurowetenskap aan te skaf. n Goeie boek wat ek kan aanbeveel, is Switch on your Brain van Caroline Leaf. Brein-gebaseerde hulpverlening is die vinnig-groeiendste op die veld van die neurowetenskap omdat dit bewys dat dit issues onmiddellik kan aanspreek wat praatterapie jare neem om reg te kry. Vandat ek breingebaseerde tegnieke gebruik, het ek nog nooit so baie wonderwerke voor my oë sien gebeur nie - elke werksdag!
Turbo EFT Turbo EFT: is n eenvoudige, vinnige en holistiese proses; verlig alle vorme van stres; transformeer jou onderbewuste hardeskyf ; is n veilige en effektiewe manier om van weerstand teen verandering op onbewuste vlak ontslae te raak; het permanente verandering tot gevolg, aangesien dit ou beperkende oortuigings transformeer. n Belangrike beginsel waarop Turbo EFT berus, is bottom-up processing. Daar is twee algemene prosesse betrokke by die verwerking van sensasies en persepsies, naamlik Top-down processing en Bottom-up processing
Top-Down Processing Top-down processing verwys na persepsies wat deur kognisie gedryf word. Jou brein verwerk inligting, gegrond op dit wat reeds in die brein beskikbaar is, byvoorbeeld: Jou vriend vertel jou van n tragedie wat hy beleef het. Jou brein is eerste aktief. Jy mag dink: Hoe tragies, my arme vriend. Hierdie gedagte lei na emosies (hartseer, meegevoel), en dit word gevolg deur n liggaamlike reaksie (verhoogde hartklop, swaar asemhaling, spierspanning). Tradisioneel word top-down processing gebruik tydens hulpverlening. Daar word vrae gevra en inligting word uitmekaar getrek die fokus is op feite. Soms lei dit tot emosies, gevolg deur n liggaamlike belewenis. Wanneer dit wel gebeur, word dit meestal as n ongemaklike situasie hanteer en die hulpverlener hoop dat dit so gou as moontlik moet verbygaan sodat daar weer by die kognitiewe proses (feite) uitgekom kan word. Ons weet reeds dat dit n langdradige proses is en die resultate spreek boekdele - niks om oor opgewonde te raak nie.
Bottom-up Processing Bottom-up processing, aan die ander kant, prosesseer die sensoriese inligting soos dit inkom, in presies die teenoorgestelde rigting. My vriend gee byvoorbeeld vir my n roomys. Die liggaamlike reaksie vind eerste plaas (my oë sien die roomys en my neus ruik dit en speeksel word afgeskei en jou hartklop versnel). Dit lei tot emosies (blydskap, dankbaarheid) en die kognitiewe reaksie kom laaste: Dit is oulik van hom om aan my te dink. Bottom-up processing word selde gebruik tydens hulpverlening, maar wanneer dit wel ingespan word, vind genesing en nuwe persepsievorming vinnig plaas. n Voorbeeld van hoe bottom-up processing gebruik kan word: Dink aan kos waarvan jy nie hou nie. Wat ervaar jy in jou liggaam? Waar in jou liggaam ervaar jy dit? Op n skaal van 0 10, hoe intens ervaar jy dit? Wat dink jy nou? Bly vir n paar sekondes bewus hiervan en scan deur jou hele lyf of jy enigiets anders beleef? Doen nou dieselfde met kos waarvan jy hou. Hierdie benadering gaan n groot kopskuif by jou veroorsaak, omdat dit lynreg indruis teen alles wat jy tot dusver oor hulpverlening geleer het. Jy gaan nie meer op jou kliënt se storie en die feite fokus nie, maar op sy/haar liggaamlike belewenis (somatic mindfulness).
Vrae en Antwoorde Hoe kry ek selfbeheersing? Selfbeheersing is die doel wat ons met hierdie program wil bereik. En ek wonder of ons altyd verstaan wat selfbeheersing beteken? Vir baie mense beteken dit om jou emosies te onderdruk om aan die buitewêreld te wys jy cope. Dan begrawe jy jou emosies lewendig en bly net n slagoffer van jou verlede. Selfbeheersing het baie met emosionele intelligensie te make. Dit beteken o.a. die volgende: Jou vermoë om jou emosies te verstaan en te bemeester en om dit waar te neem, te evalueer, te beheer en verbaal uit te druk. Dit gaan ons baie inoefen en Turbo EFT gebruik om van al die emosies en breinprogramme van die verlede ontslae te raak. Jy word dus al minder n slagoffer en kry al meer beheer oor jou emosies.
Vrae en Antwoorde Baie mense wil weet hoe volhoubaar die resultate is. Met hierdie program word geen kos uitgesluit nie. Jy leer onder andere: Om na jou liggaam te luister en net te eet wanneer jy honger is en op te hou wanneer jy vol is Om gesonder keuses te maak Om kos op n gesonder manier gaar te maak Om in beheer te kom Om jou denke te vernuwe Dis n permanente lewenstyl verandering.
Volgende Opleidingsdatums Potchefstroom: 25 28 Oktober 2017 Indien jy voor/op 16 Oktober 2017 inskryf, kwalifiseer jy vir 10% korting. Paarl: 22 25 November 2017 Indien jy voor/op 13 November 2017 inskryf, kwalifiseer jy vir 10% korting.
Hoe bespreek en betaal ek? Vir meer inligting, kliek op die volgende skakel: Weight Management Coaching
Volgende Nuusbrief In die volgende nuusbrief gaan ek nog vrae beantwoord, asook meer breedvoerig verduidelik hoe alles in mekaar steek. Jy gaan dan ook meer bewus word van die impak wat hierdie program op jou lewe kan hê. Jy is welkom om kommentaar te lewer of vrae te vra.