1 SEE ENCLOSED LEAFLET FOR FULL DETAILS SIEN INGESLOTE PAMFLET VIR VOLLE BESONDERHEDE Escocet 70 WS Registration No. L4327 (Act No. 36 of 1947) Registrasie Nr. L4327 (Wet Nr. 36 van 1947) A systemic insecticidal seeddressing for the control 'n Sistemiese insekdoder saadbehandelingsmiddel vir die of the pests mentioned on the crops listed. beheer van die genoemde plae op gewasse soos aangedui. INSECTICIDE GROUP CODE 4A INSEKDODERGROEPKODE Active ingredient: Aktiewe bestanddeel: Imidacloprid (chloro-nicotinyl)...700 g/kg...imidaklopried (chloro-nikotiniel) 1 kg Registered by: Geregistreer deur: Bayer (Pty) Ltd Bayer (Edms) Bpk (Reg. No. 1968/011192/07) (Reg. Nr. 1968/011192/07) P.O. Box 143 Posbus 143 Isando Isando 1600 1600 Tel. No. (011) 921-5911 Tel. Nr. (011) 921-5911 Batch number/lotnommer: Date manufactured/datum vervaardig: Distributed by / Versprei deur: UN Number: - EMERGENCY TELEPHONE NUMBER (021) 931-6129 BLUE/BLOU CAUTION VERSIGTIG Escocet is the registered trademark of Bayer CropScience AG, Germany/is die geregistreerde handelsmerk van Bayer CropScience AG, Duitsland.
1 Escocet 70 WS Reg. Nr. L4327 (Wet Nr. 36 van 1947) 'n Sistemiese insekdoderbevattende saadbehandelingsmiddel vir gebruik op mieliesaad vir die beheer van swartmieliekewer (Heteronychus arator), valsdraadwurms (Tenebrionidae spp.), wortelwurms (Buphonella spp.), Astylus larwes, grondkalanders (Protostrophus spp.) en blaarspringer (Cicadulina mbila, die vektore van streepsiekte), op koringsaad vir die beheer van Russiese luis (Diuraphis noxia), op sorghumsaad teen valsdraadwurms (Tenebrionidae spp.), grondkalanders (Protostrophus spp.), vaalgrondkewers (Gonocephalum spp.), Astylus larwes en swartmieliekewer (Heteronychus arator) en op sonneblomsaad teen grondkalanders (Protostrophus spp.). Kan ook gebruik word om 'n lokaas te berei vir die beheer van grasdraer termiete (Hodotermes mossambicus) in natuurlike weiding. INSEKDODERGROEPKODE 4A Aktiewe bestanddeel: Imidaklopried (chloro-nikotiniel)...700 g/kg Geregistreer deur: Bayer (Edms) Bpk (Reg. Nr. 1968/011192/07) Posbus 143 ISANDO 1600 Escocet is die geregistreerde handelsmerk van Bayer CropScience AG, Duitsland VERSIGTIG
2 WAARSKUWINGS: MIELIES: LAAT 65 DAE TOE TUSSEN PLANTTYD EN VOER. KORING: LAAT 100 DAE TOE TUSSEN PLANTTYD EN VOER. SORGHUM: LAAT 55 DAE TOE TUSSEN PLANTTYD EN VOER. SONNEBLOM: LAAT 63 DAE TOE TUSSEN PLANTTYD EN VOER. NATUURLIKE WEIDING: LAAT 3 DAE TOE TUSSEN TOEDIENING EN BEWEIDING. LET WEL: Die aanbevole onthoudingsperiode tussen laaste toediening en oes voldoen aan die vereistes vir plaaslike residuvlakke maar mag dalk nie voldoen aan die vereistes vir uitvoer nie. Indien die behandelde gewas bestem is vir die uitvoermark, skakel met die betrokke uitvoerliggaam voor toediening van die produk, rakende onthoudingsperiodes. Voldoende grondvog is nodig vir die opname van die aktiewe bestanddeel gedurende ontkieming. Gebruik Escocet 70 WS slegs vir behandeling van hoë gehalte gesertifiseerde saad. Moet nie Escocet 70 WS op suikermielies gebruik nie. Moet nie Escocet 70 WS op saad van ingeteelde ouerplante van basters, eksperimentele basters of cultivars of nuut vrygestelde basters of cultivars gebruik nie, voordat die vervaardiger of saad voorsieners geraadpleeg is nie. Die planter moet, voor plant 'n aanvang neem, gekalibreer word met behandelde saad om te verseker dat die benodigde plantpopulasie verkry sal word. Die kalibrasie moet daarna met gereelde intervalle nagegaan word. Die opkoms van saailinge mag nadelig beïnvloed word indien saad dieper as 50 mm geplant word. Effektiwiteit mag ook nadelig deur plantdiepte beïnvloed word op mielies en sorghum. Behandel slegs saad wat geplant gaan word. Moet nooit behandelde saad as voedsel of voer gebruik nie. Hanteer uiters versigtig. Giftig wanneer ingeneem, ingeasem of deur die vel geabsorbeer. Giftig vir vis en wild. BEHANDELDE SAAD KAN GIFTIG WEES VIR SAADVRETENDE VOËLS. BEHANDELDE SAAD MOET BEHOORLIK GEPLANT WORD EN HEELTEMAL MET GROND BEDEK WORD. GEEN SAAD MOET OP PLEKKE GELAAT WORD WAAR DIT DEUR VOËLS GEVREET KAN WORD NIE. Bewaar in 'n koel plek weg van voedsel en voer. Hou buite bereik van kinders, oningeligte persone en diere. ALHOEWEL HIERDIE MIDDEL OMVATTEND ONDER 'N GROOT VERSKEIDENHEID TOESTANDE GETOETS IS WAARBORG DIE REGISTRASIEHOUER NIE DAT DIT ONDER ALLE TOESTANDE DOELTREFFEND SAL WEES NIE AANGESIEN DIE WERKING EN EFFEK DAARVAN BEÏNVLOED KAN WORD DEUR FAKTORE SOOS ABNORMALE GROND-, KLIMAATS- EN BERGINGSTOESTANDE; VERENIGBAARHEID MET ANDER STOWWE WAT NIE OP DIE ETIKET AANGEDUI IS NIE EN DIE VOORKOMS VAN WEERSTAND VAN DIE PLAAG TEEN DIE BETROKKE MIDDEL SOWEL AS DIE METODE, TYD EN AKKURAATHEID VAN TOEDIENING. VERDER AANVAAR DIE REGISTRASIEHOUER NIE VERANTWOORDELIKHEID VIR SKADE AAN GEWASSE, PLANTEGROEI, DIE OMGEWING OF VIR NADELIGE EFFEK OP MENS OF DIER OF VIR 'N GEBREK AAN PRESTASIE AS GEVOLG VAN DIE VERSUIM VAN DIE GEBRUIKER OM ETIKETAANWYSINGS NA TE KOM OF AS GEVOLG VAN DIE ONTSTAAN VAN TOESTANDE WAT
3 NIE KRAGTENS DIE REGISTRASIE VOORSIEN KON WORD NIE. RAADPLEEG DIE VERSKAFFER IN DIE GEVAL VAN ENIGE ONSEKERHEID. VOORSORGMAATREËLS: Moenie die poeier inasem nie. Was dadelik met seep en water na hantering of toevallige velkontak. Was besoedelde klere daagliks. Moet nie eet, drink of rook tydens vermenging, toediening of voordat hande en gesig gewas is nie. Houers en verpakkings moet heeltemal leeggemaak word voordat hulle vernietig word. Skud die houer deeglik uit in die mengbak voordat leë houer vernietig word. Vernietig leë houer. Moet vir geen doel weer gebruik nie. Voorkom besoedeling van voedsel, voer, drinkwater en eetgerei. Hanteer behandelde saad versigtig. Merk sakke wat behandelde saad bevat duidelik "GIFTIG" en moet hulle nooit vir enige ander doel gebruik nie. WEERSTANDSBESTUUR: Escocet 70 WS is n groepkode 4A insekdoder. Enige populasie van n spesifieke insek mag individue insluit wat n natuurlike weerstand teen Escocet 70 WS of enige ander groepkode 4A insekdoder het. Indien hierdie insekdoders herhaaldelik aangewend word kan die weerstandbiedende individue uiteindelik die insekpopulasie oorheers. Hierdie weerstandbiedende insekte sal waarskynlik nie deur Escocet 70 WS of enige ander groepkode 4A insekdoder beheer word nie. Om weerstand teen insekdoders te vertraag: Vermy die eksklusiewe herhaaldelike gebruik van insekdoders in dieselfde insekdoder groepkode. Wissel af met produkte in verskillende insekdoder groepkodes. Integreer ander beheermaatreëls (chemies, verbouing, biologies) in insekbeheer programme. Vir spesifieke inligting oor weerstandsbestuur kontak die registrasiehouer van hierdie produk. GEBRUIKSAANWYSINGS: GEBRUIK SLEGS SOOS AANBEVEEL. VERENIGBAARHEID: 1. Mieliesaad wat reeds met kaptab behandel is kan met Escocet 70 WS behandel word. 2. Moet nie Escocet 70 WS op koringsaad wat reeds met Vitavax FS (Reg. Nr. L2910) behandel is gebruik nie aangesien opkoms beïnvloed mag word. Escocet 70 WS kan egter op koringsaad gebruik word wat reeds met Vitavax Plus (Reg. Nr. L3695) behandel is. 3. Flodder swamdoder-saadbehandelings moet voor die Escocet 70 WS behandeling toegedien word. 4. Droë swamdoder-saadbehandelings moet na die Escocet 70 WS behandeling toegedien word. MENGINSTRUKSIE: Meng die benodigde hoeveelheid Escocet 70 WS met 'n klein hoeveelheid water om 'n gladde room te vorm voordat die res van die water bygevoeg word. Meng deeglik voordat by die saad gevoeg word. Groot hoeveelhede saad kan doeltreffend in outomatiese saadbehandelingsmasjiene behandel word. Escocet 70 WS moet as 'n nat behandeling gebruik word. Die masjien moet gereeld nagegaan word om te verseker dat die regte hoeveelheid Escocet 70 WS toegedien word. Klein hoeveelhede saad kan in 'n mengdrom behandel word wat kontra gemonteerd is met net die as wat gestut word aan beide kante. Moet nie die drom meer as twee-derdes vol saad maak nie. Nadat die benodigde hoeveelheid
4 Escocet 70 WS, gemeng met die benodigde volume water bygevoeg is, en die deksel toegemaak is, draai die drom stadig vir 3-5 minute om te verseker dat elke saadjie met Escocet 70 WS bedek word. Mielie- en koringsaad kan onmiddellik voor planting met Escocet 70 WS behandel word of vroeër en dan vir 'n seisoen lank opgeberg word onder koel droë toestande sonder dat ontkieming en insekdodende aktiwiteit benadeel sal word. Tydens opberging sal die mielie- en koringsaad beskerm word teen beskadiging deur tropiese graanskuurmot (Ephestia cautella), kleingraanboorder (Rhizopertha dominica), ryskalander (Sitophilis oryzae) en malkopmeelkewer (Tribolium confusum) vir 12 maande indien mieliesaad teen 'n dosis van nie laer as 250 g Escocet 70 WS per 100 kg saad behandel is nie en koringsaad teen 'n dosis van 200 g Escocet 70 WS per 100 kg saad behandel is. Gewas Plae Toedieningshoeveelheid MIELIES: Astylus larwes. 100 g/2 l water/100 kg saad. Swartmieliekewer (Heteronychus arator), wortelwurms (Buphonella spp.), valsdraadwurms (Tenebrionidae spp.), grondkalanders (Protostrophus spp.). Blaarspringer (Cicadulina mbila, die vektore van streepsiekte). 250 g/2 l water/100 kg saad. 500 g/2 l water/100 kg saad. NOTA: Nieteenstaande die gebruik van hierdie middel, kan swartmieliekewer en grondkalander beskadiging nog steeds verwag word. Onder toestande van hoë infestasiedruk kan selfs 20 % of meer van die mielies ten spyte van behandeling, beskadig of vernietig word. KORING: Russiese luis (Diuraphis noxia). 200 g/2 l water/100 kg saad. NOTA: Beheer kan verwag word vir 8-10 weke indien voldoende grondvog beskikbaar is vir die opname van die aktiewe bestanddeel. SORGHUM: Valsdraadwurms (Tenebrionidae spp.), grondkalanders (Protostrophus spp.), Astylus larwes, swartmieliekewer (Heteronychus arator) en vaalgrondkewers (Gonocephalum spp.). 250 g/2 l water/100 kg saad. NOTA: Nieteenstaande die gebruik van hierdie middel, kan swartmieliekewer en grondkalander beskadiging nog steeds verwag word. Onder toestande van hoë infestasiedruk kan selfs 20 % of meer van die sorghum ten spyte van behandeling, beskadig of vernietig word. SONNEBLOM: Grondkalanders (Protostrophus 500 g/4-5 l water/100 kg saad. NOTA: Op sekere grond tipes en onder sekere grondtoestande (bv. sandgronde, vlak plant, ens.) wanneer ontkieming vinnig plaasvind mag die behandelde saadhuid vinnig bo die grond uitgelig word. Dit sal die effektiwiteit van die behandeling nadelig beïnvloed.
5 Gewas Plae Toedieningshoeveelheid NATUURLIKE WEIDING: Grasdraertermiete mossambicus) (Hodotermes Berei 'n lokaas deur gebruik te maak van droë hooi (lusern, koringstrooi of 'n aanvaarbare grassoort). Sny die hooi in stukkies ongeveer 2 cm lank en bespuit 10 kg van die stukkies met 14 g Escocet 70 WS gemeng met ± 5 l water om al die stukkies deeglik te benat. Sprei die behandelde stukkies hooi oop op 'n seil of betonvloer om droog te word. Begin met toediening slegs wanneer termiete aktief is. Behandel die besmette area sowel as 'n addisionele area van ten minste 2 meter wyd met die lokaas teen 'n dosis van 1 g/vierkante meter. Herhaal toediening indien ongunstige toestande (reën, sterk wind, ens.) binne 10 dae na toediening voor kom. Verken die behandelde areas met gereelde tussenposes om te bepaal of verdere toedienings nodig mag wees. Bayer (Edms) Bpk. Alle ongemagtigde reproduksie van hierdie etiket word verbied.