Stap 1. Laai die Trusted-QSL-Programme Af

Transcription

1 Stap 1 Laai die Trusted-QSL-Programme Af Die Wêreldlogboek gebruik n programpakket met die naam Trusted QSL. Die Trusted QSL-programme wat jy afgelaai en op jou rekenaar geïnstalleer het bevat twee programme: Trusted QSL (TQSL) en Trusted QSL Certificates (TQSL Cert). Die Trusted QSL-programme is vir die Windows- en Mac OS X-bedryfstelsels beskikbaar. Linux-gebruikers kan die programme van die bronkode in die tqsllib-biblioteek en die TrustedQSL-toepassings bou. Die ARRL hou nie pakette vir die magdom van Linuxverspreidings in stand nie. Vir hulp om n verpakte weergawe vir jou Linux-verspreiding te kry, moet jy die verspreiding se instandhouer kontak. Die programme word van die Web by.arrl.org/ afgelaai. 1. Kliek die skakel op :// om die programme vir jou bedryfstelsel (Windows of Mac) af te laai. (##screen) Kies óf die Windows-opsie óf die Mac-opsie. 2. Kies die Save File-opsie. Onthou waar jy die lêer bêre. 3. Dubbel-kliek die TQSL-zip-vouer in die plek waar jy dit in die vorige stap gebêre het.

2 4. Dubbel-kliek die TQSL 114-kenteken om die installasie-outomaat te laat begin. As jou rekenaar vir toestemming om die program te loop vra, kliek Run.

3 5. As die installasie klaar is, sal jy twee nuwe kentekens op die tafelblad hê. Hierdie kentekens word gebruik om die twee programme in die Trusted QSL-groep TQSL en TQSL Certificates oop te maak:

4 Jy is nou gereed vir die volgende stap: Om jou elektroniese sertifikate aan te vra.

5 Stap 2 Versoek jou Sertifikaat Die Wêreldlogboek gebruik privaatsleutel-publieke sleutel enkripsie. Die Trusted QSL-programme wat jy afgelaai en op jou rekenaar geïnstalleer het bevat twee programme: Trusted QSL (TQSL) en Trusted QSL Certificates (TQSL Cert). Al die sertifikate word deur die TQSL Certprogram bestuur. n Sertifikaatversoek (.TQ5-lêer) word na die ARRL gestuur, en word met n.tq6-lêer beantwoord. Wanneer die.tq6-lêer in TQSL Cert gelaai word, het jy n geldige sertifikaat. Die status word aangedui deur n goue lint langs jou roepsein. Jy gaan die sertifikaat gebruik om jou loglêers elektronies te onderteken. Die.TQ5- en.tq6-lêers bevat unieke syferhandtekeninge en moet bymekaar pas soos die twee helftes van n geskeurde toegangskaartjie. Enige vorige sertifikaatversoek word ongeldig wanneer n nuwe versoek geskep word, so moenie enige lêers wysig of uitvee nadat jy n sertifikaatversoek geskep het nie. Omdat die versoek en antwoord bymekaar moet pas, moet die hele proses van dieselfde rekenaar af voltooi word. As jy eers die volledige sertifikaat het, kan jy dit met n paar muisklieke na n nuwe rekenaar skuif. Meer inligting is by verkrygbaar. Dis nie moeilik om n sertifikaat te versoek nie. Al wat nodig is, is om n klompie basiese inligting oor jouself en jou roepsein in te tik en dan n lêer ( n.tq5) te bêre en na die Wêreldlogboek toe te stuur. In hierdie prosedure gaan ons n sertifikaat vir jou huidige roepsein versoek. Die prosedure hieronder gaan jou deur elke skerm van die proses help. Kom ons begin.

6 Nadat jy die Trusted QSL-programme geïnstalleer het, sal jy twee kentekens op die lessenaar hê. 1. Maak die TQSL Cert-program oop deur op die kenteken te dubbelkliek. Wanneer jy TQSL Cert vir die eerste keer oopmaak, sal n boodskap vertoon wat sê dat jy geen sertifikate het nie en wat vra of jy n sertifikaat wil versoek. Kliek Yes. As jy per ongeluk No op die vraag geantwoord het, kies File, dan New Certificate Request om die proses weer aan die gang te sit.

7 2. Die eerste raampie is vir inligting en dui aan dat die ARRL die sertifikaat uitgereik het. Dis nie nodig om iets te doen nie. Kliek eenvoudig Next. 3. Tik jou huidige roepsein sonder enige draagbaar-aanduidings in. 4. Gebruik die kieskaart om die DXCC-land wat by jou roepsein pas en waarvandaan jy bedryf, te kies. As jy n ZS-roepsein (behalwe vir ZS7 en ZS8) het, is die DXCC-land Republic of South Africa. Die QSO-Datumbestek (QSO Date Range) sal bepaal watter QSO s in jou log na die Wêreldlogboek opgelaai kan word. Dis belangrik dat jy die korrekte inligting intik. Die QSL-datumbestek kan die gewysig word as die sertifikaat eers uitgereik is nie. 5. Die QSO-Begindatum behoort die datum wees waarop die roepsein aanvanklik aan jou uitgereik is. As jy onseker oor hierdie datum is, moet jy die datum van die eerste QSO met hierdie roepsein in jou logboek gebruik. Moenie vandag se datum gebruik nie. Die begindatum is nie die datum waarop jy aanvanklik gelisensieer is, as jy voorheen n ander roepsein gehad het nie.

8 Moenie jou verjaarsdag of enige ander datum gebruik nie. Roepseine wat tans aktief is sal nie n QSO-Einddatum (QSO End Date) hê nie. As jy wel n einddatum intik, sal dit die QSO s wat jy vir hierdie roepsein kan oplaai, beperk. ##Laat vir huidig-aktiewe roepseine oop.

9 6. Tik jou naam en adres in. Kliek Next. 7. Tik jou e-posadres in. Maak seker dat jou e-posverskaffer aanhangsels toelaat. Jou.TQ6-sertifikaatlêer, gebruikersnaam en Webwerf-wagwoord sal per e-pos gestuur word.

10 Die volgende stap is opsioneel. n Wagwoord word aanbeveel as jy n openbare rekenaar gebruik of as jy TQSL van n draagbare rekenaar af bedryf. As jy besluit om n privaatsleutelwagwoord te gebruik, moet jy seker maak dat jy dit nie vergeet nie! Skryf dit neer indien nodig. As jy hierdie wagwoord verloor of vergeet, kan die ARRL jou nie help nie. Jy sal van voor af vir n splinternuwe sertifikaat moet aansoek doen. 8. Tik die wagwoord in as jy besluit om wel hierdie opsie te gebruik. Jy kan hierdie veld ooplos as jy nie n wagwoord wil gebruik nie. Ons bevel aan dat jy dit ooplos.

11 9. Maak seker dat die versoek ongeteken (Unsigned) is. Omdat hierdie jou eerste sertifikaatversoek is, is die ongetekende opsie die enigste toelaatbare een. Die eerste sertifikaat sal gebruik word om latere versoeke te teken. ##Onthou waar jy die.tq5-lêer bêre. In hierdie voorbeeld gaan dit in My Documents gebêre word. ##Onthou die naam van hierdie lêer. Jy behoort nou n.tq5-lêer in jou vouer gebêre te hê.

12 Neem kennis: Die oplaaiproses vir die.tq5- lêer is nie outomaties nie. Jy moet met die volgende stap voortgaan om die.tq5-lêer op te laai, of die lêer na e-pos. As die proses korrek gedoen is, behoort die QSL Cert-venster so te lyk, met n rooi Geen Toegang -teken, jou roepsein en jou DXCC-land.

13 Dit is uiters belangrik dat jy nie die.tq5-lêer uitvee of n nuwe naam gee of die rooi tekentjie uitvee nie.

14 Opsie om die sertifikaat-versoek (.TQ5) op te laai 1. Gaan na die Wêreldlogboek-Webwerf: 2. Gebruik die Browse-knoppie om die.tq5-lêer wat jy in die vorige stap geskep het, te vind. 3. Laai die lêer met die Upload file -knoppie op. 4. Stuur n afskrif van jou lisensie en een of ander vorm van identifikasie (paspoort of ID) na die ARRL. Volle besonderhede is by beskikbaar. Poskaarte en dokumente is net tydens die aanvanklike opstelling van jou Wêreldlogboek-rekening nodig. Die rekening kan in die toekoms deur die Internet in stand gehou word. 5. Sit rustig agteroor en wag vir die sertifikaat.

15 Stap 3 Staaf jou Standplaas Stasies buite die VSA moet n afskrif van hulle Amateurradiolisensie en n afskrif van identifikasie soos n bestuurslisensie, paspoort of diensterekening instuur. Geen elektroniese voorleggings word aanvaar nie. Die brief moet naby jou huis gestempel word. Stuur die afskrifte aan: ARRL Attn.: LoTW Administrator 220 Main Street Newington CT USA Volg hierdie skakel vir n volledige lys van aanvaarbare dokumente: Nota: n Afskrif van jou lisensie is net nodig om n nuwe Wêreldlogboekrekening op te stel of om n roepsein buite jou bestaande DXCC-land wat nie onder CEPT of IARP gedek word nie, by te voeg.

16 Stap 4 Laai en Bêre jou Sertifikaat 1. Wanneer jy die.tq6-lêer per e-pos ontvang, behoort jy die aangehegde lêer te kan dubbel-kliek en Yes te kies om die sertifikaat te installer. As dit nie werk nie, bêre die lêer in die LoTW-vouer en gebruik die Load Certificate File-funksie van die TQSL Cert-program. Maak TQSL Cert oop. Kies File > Load Certificate File. 2. Maak seker dat jy die.tq6 opsie kies, en kliek dan Next. 3. Kies die.tq6-lêer wat jy van die e-pos af gebêre het.

17 4. Wanneer die sertifikaat korrek gelaai is, sal die rooi Geen- Toegang-teken in n goue lint verander. Bêre die Sertifikaat! Op hierdie stadium behoort die sertifikaat met die goue lint in die TQSL Cert-program geïnstalleer te wees.

18 Nou is die tyd om die volledige sertifikaat as n.p12-lêer op eksterne media soos n slapskyfie, CD of geheuestokkie te bêre. As daar ooit iets met die rekenaar foutgaan, soos n hardeskyfweiering of verlies van leers, kan jy die Wêreldlogboek-sertifikaat herstel deur die.p12-lêer in TQSL Cert in te laai. Die.TQ5- en.tq6-lêers het nou hulle werk gedoen, en dit is nie nodig om hulle te bêre nie. Die sertifikaat moet egter as n.p12-lêer gebêre word om jou in staat te stel om die volledige sertifikaat indien nodig te herstel. Hoe om die Sertifikaat te Bêre 5. Maak TQSL Cert oop deur die kenteken op die lessenaar te dubbel-kliek. 6. Kies die roepsein, en kies dan Certificate > Save. As die roepsein nie gekies is nie, sal die sertifikaat-opsies nie beskikbaar gemaak word nie. n Ander opsie is om op die roepsein te regs-kliek en dan Save te kies. 7. Jy sal gevra word om n wagwoord vir die.p12-lêer te kies. Die keuse is joune. As jy besluit om wel n wagwoord op te stel, moet

19 jy dit neerskryf of op n ander manier seker maak dat jy dit nie vergeet nie. Sonder die wagwoord sal jy nie die.p12-lêer kan laai nie, en dus nooit die sertifikaat kan herstel as iets skeefloop nie. Die ARRL sal ook nie daarmee kan help nie. As jy n wagwoord gebruik het om jou privaatsleutel te beskerm, sal jy gevra word om die wagwoord in te tik om die privaatsleutel te ontsluit. Weer eens: Niemand anders ken hierdie wagwoord nie, en die ARRL kan nie help om dit terug te kry nie. Onthou om die.p12-lêer op eksterne media te bêre. As die lêer op die rekenaar gebêre is en die rekenaar kom iets oor, sal jy andersins nie die lêer kan terugkry nie.

20 Hoe om die Sertifikaat te Herstel (Nota: Hierdie prosedure kan ook gebruik word om jou sertifikaat op bykomende rekenaars soos jou skoot- of kantoorrekenaar te laai. Die.P12-lêer kan op Windows- of Mac-rekenaars gelaai word, ongeag van die tipe rekenaar waarop dit geskep is. 1. Laai die Trusted QSL-programme af en installer dit op die nuwe rekenaar. 2. Maak TQSL Cert oop deur op die kenteken op die lessenaar te dubbel-kliek. 3. Kies Load Certificate File. 4. Die tipe lêer wat gelaai moet word behoort by verstek op PKCS#12 (.p12) te gaan staan. Maak seker dat daardie knoppie gekies is. 5. Kies die.p12-lêer wat gelaai moet word van die geheuestokkie of ander media waar jy dit gebêre het. 6. As jy n wagwoord gekies het, sal jy gevra word om die wagwoord in te tik om die lêer oop te sluit.

21 7. Kliek Finish onder op die sertifikaat-laai-venster. Jy behoort nou n goue lint-sertifikaat in die TQSL Cert-programvenster te hê. 8. Jy kan nou n stasiestandplaas ( station location ) in die TQSLprogram gaan opstel. Die sertifikaat-proses is nou voltooi. Jy kan nog sertifikate vir ou roepseine of draagbare roepseine en enige ander roepseine waarby jy betrokke is, aanvra deur getekende versoeke vir elkeen van hulle in te stuur. Getekende versoeke gebruik jou primêre sertifikaat om die verdere versoeke te onderteken sodat jy nie stawende dokumente per pos hoef te stuur nie.

22 Stap 5 Skep n Stasie-Standplaas Noudat jy n elektroniese sertifikaat het, kan jy jou stasie-logs onderteken en na die Wêreldlogboek oplaai. Die eerste stap in die ondertekeningsproses is om n stasiestandplaas te skep. Die stasiestandplaas bevat geografiese inligting oor jou stasie soos sones, ruitverwysings, IOTA-nommers en VSA-state en graafskappe. Die inligting in jou stasiestandplaas bepaal hoe die ander operateur krediet vir dinge soos state, graafskappe, sones enlande ontvang. Dit is dus baie belangrik om hierdie inligting volledig en korrek in te vul. 1. Maak TQSL oop. 2. Kies Station > Add location.

23 3. Kies die roepsein wat op hierdie stasie-standplaas van toepassing is. As jy net een roepseinsertifikaat het, sal die roepsein grys wees omdat net een opsie beskikbaar is. 4. Tik al die inligting vir jou bedryfstandplaas in en kliek Next. Dit is baie belangrik om die inligting akkuraat in te tik, want dit bepaal watter krediete ander stasies vir kontakte met jou sal ontvang. TQSL 1.14 en later sal nie toelaat dat CQ- of ITU-sones ander as die wat aan jou DXCC-land toegeken is gekies kan word nie.

24 5. Vir Amerikaanse roepseine sal kieskaarte met lyste van state en graafskappe beskikbaar gestel word. Vir lande wat meer as een sone beslaan, soos die VSA, sal n foutboodskap verskyn as jy n ongeldige kombinasie van sones intik. Jy sal nie kan voortgaan totdat jy die korrekte inligting ingetik het nie.

25 Vir Amerikaanse roepseine, as jy besluit om nie n staat en graafskap in jou stasiestandplaas in te tik nie, moet jy dit bevestig deur die wit kassie te merk. Dis belangrik om al die inligting in te tik, anders sal ander stasies nie krediet vir die ontbrekende inligting kan kry nie. 6. Die laaste stap is om die stasiestandplaas n naam te gee. As die naam ( Home in hierdie voorbeeld) ingetik is, kliek Finish.

26 Stap 6 Hoe om n Log te Onderteken en Op te Laai In hierdie deel van die proses gaan jy jou log-lêer elektronies onderteken. Die nuwe elektronies-getekende lêer staan as n.tq8-iêer bekend. Dit is hierdie.tq8-lêer wat na die Wêreldlogboek opgelaai gaan word. Hierdie stap aanvaar dat jy reeds n ADIF- of Cabrillo-loglêer uit jou logprogram geskep het. Sommige logprogramme sal die volgende stappe vanself vir jou doen. Kyk in die program se instruksies hoe om hierdie funksies te gebruik en hoe om die program daarvoor op te stel. 1. Maak TQSL oop. 2. TQSL v1.14 het die opsie om jou loglêer te teken en outomaties die.tq8-lêer na die Wêreldlogboek-bediener op te laai. 3. Kies File > Sign and upload ADIF or Cabrillo file. 4. Volgende sal jy gevra word om die loglêer te kies wat jy wil onderteken.

27 5. Kies die loglêer wat onderteken moet word. Kliek Open. Wenk: Kies verskillende name vir al die lêers om makliker van hulle tred te kan hou. 6. Kies n stasie-standplaas waarmee die log onderteken gaan word. Kliek op die standplaas sodat dit verkleur en kliek dan OK.

28 7. Volgende sal jy gevra word om die stasie-standplaas en die roepsein waarmee die loglêer geteken sal word, te kies. Belangrik: Maak seker dat hierdie inligting korrek is, want dit sal verseker dat die QSO s na die regte Wêreldlogboek-rekening opgelaai word en dat die ander operateurs die regte krediete vir die kontak sal kry. 8. Jy kan n datumbestek vir die QSO s kies. Jy kan een of albei datums ooplos. As duplikaat-inligting opgelaai word, sal die mees onlangs opgelaaide inligting die ouer inligting verplaas. Dit is goeie praktyk om die laaste datum waarop jy na die Wêreldlogboek opgelaai het as die begindatum te kies.

29 9. Jy sal nou sien hoe die stelsel jou log in TQSL-formaat omskep. Enige foute in die log, soos ooglopend-gebreekte roepseine, ongeldige modusse of datums sal op hierdie stadium geïdentifiseer word. As jy kies om foute te ignorer sal al die stukkende QSO s in die inligtingsvenster gelys word sodat jy na die log kan teruggaan en hulle kan regmaak. Ondertekeningsfoute word hieronder bespreek. As jy kies om nie die foute te ignorer nie, sal die program die ondertekeningsproses beëindig. Die TQSL-program sal ook duplikaat-kontakte in jou log of kontakte wat voorheen na die Wêreldlogboek opgelaai is, naspeur. Ons beveel sterk aan dat duplikate nie toegelaat moet word nie, omdat sulke duplikate net onnodige lading op die Wêreldlogboek-bedieners sit. Nota: Die duplikaat-log woon in jou rekenaar, dus kan die program nie duplikate naspeur as hulle van n ander rekenaar af opgelaai is nie.

30 Wanneer die ondertekeningsproses voltooi is, sal TQSL die uitslag van die ondertekening vertoon. As jou rekenaar nie aan die Internet vasgemaak is nie, wil jy dalk die loglêer onderteken en die.tq8-lêer bêre om later opgelaai te word as jy die Wêreldlogboek deur die Internet kan bereik. As jy hierdie opsie kies, is die enigste verskil van die voorafgaande prosedure dat die program jou sal vra om die.tq8-lêer te bêre. Jy sal dan later per hand die.tq8- lêer na die Wêreldlogboek-bediener moet oplaai.

31

32 Hoe om n.tq8-lêer na die Wêreldlogboek op te laai 1. Teken by die Wêreldlogboek-Webwerf by aan. 2. Kies die Upload File-oortjie. 3. Druk die Browse-knoppie om jou.tq8-lêer wat opgelaai moet word, te vind. 4. Kliek die Upload File-knoppie om die lêer op te laai. As dit korrek gedoen is, sal jy n boodskap ontvang wat aandui dat die lêer vir verwerking in die tou geplaas is. As jy so n boodskap ontvang: [FILE] does not appear to be a TrustedQSL file! Processing aborted. beteken dit waarskynlik dat jy per ongeluk jou ADIF-loglêer of een or ander ander lêer wat nie n.tq8-lêer is nie, opgelaai het. Dankie dat jy die Wêreldlogboek gebruik het

33 Ondertekenings-foute QSO Outside of Date Range Toe jy vir die sertifikaat aansoek gedoen het, is jy gevra om QSO-aanvangs- en - einddatums te verskaf. Vir huidig-aktiewe roepseine moet die einddatum oopgelaat word sodat die QSO-einddatum outomaties met die sertifikaatvervaldatum sal saamval. Die QSO buite datumbestek -fout terwyl die log onderteken word beteken eenvoudig dat daar QSO s in die log is wat buite die sertifikaat se QSOdatumbestek val. Maak eers seker dat die QSO s werklik aan die roepsein waarmee die log onderteken word behoort. As jy n log het wat ver in die verlede instrek, kan die QSO s dalk by n ou roepsein hoort. In hierdie geval is die fout net n aanduiding dat die sertifikaat sy werk gedoen het, deur die QSO s wat nie by die roepsein hoort nie, uit te filtreer. As dit nodig is om die datumbestek van die sertifikaat te verander, kan jy eenvoudig die sertifikaat hernu en seker maak dat die begin- en einddatums korrek ingetik word. Onthou om die einddatum oop te laat as die roepsein nog aktief is. Invalid Call Sign n Ongeldige roepsein is presies dit. Kyk deur die log vir foute in die roepsein, soos die letter O waar daar eintlik n syfer 0 moes gewees het, of ontbrekende syfers in die roepsein. Unknown Contest Die onbekende wedstryd -fout word ontvang as Cabrillo-logs van n wedstryd wat nie in die TQSL-tabelle is nie, geteken word. Maak TQSL oop. Kies Help. Ontvou TQSL Utility Help. Ontvou Preferences. Kies Preferences > Cabrillo Specs.

34 Invalid Mode Die Ongeldige Modus -fout onstaan as die modus in n ADIF-lêer nie in standaard ADIF-formaat is nie, of as die modus nie in die ADIF-tabel in TQSL is nie. Maak eers seker dat jy die nuutste weergawe van TQSL gebruik en dat jy die nuutste opstellingslêer (Config) gebruik. Om die modus-afbeelding te verander: Maak TQSL oop. Kies File > Preferences > ADIF Modes. Druk die Add-knoppie aan die regterkant. Tik die modus soos dit in jou logprogram verskyn, in die modusvenster in. Gebruik die aftrek-kieslys om die modus te kies wat dit moet verteenwoordig. Kliek OK en weer OK. Teken nou die log en laai die.tq8-lêer na Wêreldlogboek op. No Records Output Gaan die ADIF- of Cabrillo-lêer vir geldige QSO-data na. Kyk ook die foutboodskappe hierbo om ander potensiële foute te identifiseer.