Daagliks n Skyf Brood Uit die Bakkerstraat

Transcription

1 Daagliks n Skyf Brood Uit die Bakkerstraat Die benoudheid wat nou oor hierdie wêreld kom gaan jou laat honger na die Brood van die lewe, want Hy alleen is jou lewe. (Joh 6 : 48-51) Dagstukkies vir 365 dae deureugenius en Ansie Houy (April 1 ste Jaar ) 1

2 INHOUDSOPGAWE TITEL NR BL Wat dwaas is by die wêreld het Elohim uitverkies 1 3 Liefde soos n morewolk 2 4 Skielik het Babel geval 3 6 Die mede-uitverkorenes in Babilon 4 7 Die Sonde van Babel 5 9 Jahweh, bring in herinnering, die dag van Jerusalem 6 10 Ons burgerskap in die hemele 7 12 Pasop vir die hebsug 8 13 Godsaligheid saam met vergenoegdheid 9 14 Almal waterdrinkers Nou sal niks meer vir hulle onmoontlik wees nie Hou goeie moed, Ek het die wêreld oorwin Ek het U getuienisse vir ewig as erfdeel Die getuienisse van Elohim is groter Die verskyning van Jashuah Messiah Almal wat sy verskyning liefgehad het Julle sal My getuies wees Wie na die vlees gely het Lydsaamheid en lankmoedigheid met Blydskap Julle is ons eer en blydskap Die gestalte van n kroon het sigbaar geword Ag jouself die ewige lewe waardig Hieraan weet ons April 1994: Ons hernu die belofte Die altaar op sy grondveste opgerig Die afgodsbeeld van ywer by die ingang Die gruwel van die verwoesting in die Heiligdom Die Nabootser Hulle het hul heerlikheid verruil Wonders en Tekens

3 1 April WAT DWAAS IS BY DIE WêRELD HET ELOHIM UITVERKIES (1 KOR 1 : 27) Vandag is die 1ste April en dit is April Fool day. Waar dié gewoonte vandaan kom weet ek nie, maar iemand kan jou vandag n streep trek en dan uitroep April Fool! en lekker daaroor lag. Daarmee is die gespottery oor die dwaas (Fool) dan gewoonlik ook verby. Maar daar is n gespot oor n dwaasheid in die oë van die mense van die wêreld wat deur die eeue nooit opgehou het nie. Dit is die dwaasheid van die woord van die Kruis (1 Kor 1 : 18). Ook die dwaasheid van die prediking (Vers 21). Al die dinge van die Gees word as dwaasheid geag deur die natuurlike (vleeslike) mens, omdat hulle dit nie verstaan nie en ook omdat dit geestelik beoordeel word (1 Kor 2 : 14). Moenie dink dat jy die natuurlike mens slegs in die wêreld aantref nie. Jy tref hulle volop in die Christendom aan. Trouens die meeste van die Christene is vleeslike, natuurlike mense met n godsdiens. Dié godsdiens kon net sowel om enige ander god gedraai het, maar nou is Jashuah Messiah die middelpunt van hulle godsdiens. Hulle sing, preek en getuig van Hom en bid tot Hom. Hulle bring hul gawes na Hom toe, maar daar is geen lewende, persoonlike verhouding met Hom nie. Jashuah is vir hulle niks anders as n afgod nie. Hulle is, soos reeds gesê, natuurlike, vleeslike mense met n godsdiens. Lees Jes 29: Onder hierdie natuurlike mense het sommige hoog geleerd geraak in hul godsdiens. Daar is baie met doktorsgrade in godgeleerdheid. Baie is professors, maar hulle beskou die boodskap van die kruis as dwaasheid (1 Kor 1 : 18). Hulle beskou die dinge van die Gees as dwaasheid (1 Kor 2 : 14). As Elohim(God) hulle dan verhoor as hulle in kinderlike opregtheid na Hom kom (Luk 10 : 21) openbaar Hy dinge aan hulle wat die wyse en geleerdes nie verstaan nie. Hy stort Sy Gees in hulle harte uit, sodat hulle kan weet wat Vader uit genade aan hulle geskenk het (1 Kor 2 : 12) n wysheid wat die Heilige Gees leer (Vers 13). Dit was dwaaheid by die Grieke wat veral wysheid nagejaag het (Hand 17 : 18 21) en daarom het hulle Paulus gespot (Vers 32) (2 Pet 3 : 3 4). 3

4 Maar, weet dit verseker dat hierdie dwase in die oë van die wêreld en ook die vleeslikes in die kerke is diegene wat deur Elohim uitverkies is: Lees 1 Kor 1 : Onthou dat die wêreld, en ook die Skrifgeleerdes, in al hulle vleeslike wysheid nie die Vader of die Seun kon leer ken nie (1 Kor 1 : 20 21) (Rom 1 : 21 22). Paulus het nie veel sukses in sy toespraak by die Atheners (Hand 17 : 15 34) gehad nie. Hy het met hulle geredeneer. Maar toe hy na Korinthe gaan was hy vernederd en gebroke op die plek waar Jahweh hom wou hê (2 Kor 13 : 4; 12: 9 10). Toe gaan hy in die Gees van Messiah (Lees 1 Kor 2 : 1 7) en het toe groot sukses gehad. Waarom? Hy het nie in vleeslike wysheid gegaan nie (Vers 1). Hy was ook bereid om n dwaas te wees in die oë van die wyses en geleerdes. As jy n Skrifgeleerde is (Matt 13 : 52) sal jy ook eers dwaas moet word in die oë van die vleeslikes (1 Kor 3 : 18 20). As jy die woord van die kruis aanneem in ware opregtheid (1 Kor 1 : 18) sal dit vanself kom (2 Tim 3 : 12). Hulle sal jou verag. 2 APRIL LIEFDE SOOS N MôREWOLK (HOS 6 : 4) Hosea 6 : 4 praat van n liefde soos n môrewolk en soos n dou wat vroeg weer verdwyn. Die liefde van God(Elohim) kan nie vergaan nie (1 Kor 13 : 8), maar die menslike liefde vergaan gou, veral as dit n ander minnaar sien. En dit is wat die volk van Elohim telkens gedoen het. Dan het Hy elke keer vir hulle gesê dat hulle van Hom af weggehoereer het (Hos 1 : 2). Jahweh het hulle steeds bemin, maar die afgode het hulle elke keer weggetrek van Hom af (Hos 3). Lees Jer 2 : 24 37; 3 : Dit gaan oor Israel en Juda se hoerery met die afgode. Onthou hierdie Ou Testamentiese gebeure is skadubeelde (Heb 10 : 1; 8 : 5; Kol 2 : 17) van die ware beeld die Nuwe Testamentiese. Uiteindelik het Elohim hulle dan n skeibrief gegee volgens die wet (Deut 24 : 1 4) (Matt 5 : 31 32; 19 : 7 9). Vandag is die mensdom en veral die kerke grootliks 4

5 ingestel op fisiese hoerery. Maar die grootste en ergste vorm van hoerery, naamlik vriendskap met die wêreld, word min aangeroer. Lees nou Jak 4 : 4 5. Hier is die egbrekers en egbreeksters hulle wat vriende van die wêreld is terwyl die Gees met jaloersheid, hulle begeer, dat hulle eerder vir Jahweh sal liefhê en vir Hom n bruid sal wees. Jy verontskuldig jouself dadelik deur te sê dat jy probeer n lig wees wat in die wêreld skyn (Fil 2 : 15 16). Dit is die ideaal, maar as die lig in die wêreld kom en dit word donkerheid hoe groot is die duisternis dan (Luk 11 : 35)? Gaan jy tussen die wêreld en sy mense in omdat jy deur die Gees van Jahweh daar ingelei word of word jy deur die gees van die wêreld daar ingesuig? Het jy die wêreld en die dinge wat daarin is lief (1 Joh 2 : 15 17)? Of gebruik jy slegs dit wat noodsaaklik is vir jou voortbestaan? (1 Kor 7 : 30 31) Bv. Is n selfoon iets wat jou plesier en vermaak besorg, iets waarmee jy jou tyd om kry of is dit slegs n kommunikasiemiddel. Is jou motor slegs n vervoermiddel of is dit ook n status simbool, iets wat indruk maak en ook opwinding gee? Gaan praat met Vader hieroor. Dalk gaan jy uitvind dat dit een van die afgodsbeelde is waarmee jy hoereer. Maar voordat jy kan weet sal jy in jou hart bereid moet wees om te sterwe t.o.v gelykvormigheid aan die wêreld (Rom 12 : 1 2). Ook moet jy weet dat om vriendskap met die wêreld te verbreek beteken nie om onvriendelik met hulle te wees nie. Jy gaan nog by hulle kuier, maar jy is soos die bottel in die water. Die water stroom nie in die bottel in nie, want die prop is op. Die Heilige Gees verseël jou sodat die wêreld nie kan instroom nie (2 Kor 1 : 22; 2 Kor 6 : 14 18) beteken egter nie dat ons, ons fisies moet afskei van die mense van die wêreld nie, maar wel van die gees van die wêreld. Dus is jy vriendelik en liefdevol teenoor hulle sonder dat jy toelaat dat dieselfde gees wat in hulle is, in jou inkom en veroorsaak dat jou liefde wat jy vir Elohim het, verflou (Matt 24 : 12) (Hos 6 : 4). Moenie dink dat jou offergawes en dinge wat jy gee en doen, plaasvervangers is vir die liefde wat Vader by jou soek nie (Hos 6 : 6). Hy begeer dat jy Sy liefde, wat Hy reeds uitgestort het (Rom 5 : 5), sal toelaat om deur jou, as Sy seun, te vloei na Hom, as jou Vader, toe (Matt 22 : 37 40). 5

6 3 APRIL SKIELIK HET BABEL GEVAL (JER 51 : 8) Babel was deur die eeue een van die groot oorsake waarom die mense se liefde vir Elohim(God) verkoel het (Matt 24 : 12). Dit beteken nie dat die mense n verskoning het vir hulle liefdeloosheid nie. Vader het in Sy groot liefde genoeg gedoen om ons in algehele oorwinning oor Babel te laat lewe (1 Joh 2 : 13 14; 3 : 8; Tit 2 : 11; Efes 1 : 7; Kol 1 : 13). Babel is n bose vors, n gevalle engel wat saam met Lucifer uit die hemel gewerp is (Jes 14 : 11 16; Eseg 28 : 13 19). Die hele wêreldstelsel resorteer onder hom (Open 17 : 1 18; 18 : 1 24; 19 : 1 10). Of moet ek liewer sê haar? Sy is die moeder van almal wat hoerery bedrywe (Open 17 : 5). Jy kan dus seker wees dat sy n aandeel het daarin as jy van Jahweh af weghoereer. Babel is nie slegs een vors nie. Daar is meer as een en hulle word na verwys as manlik en vroulik. In Open 17 is dit vroulik. Hoe dit ook al sy, Babel se hele doel is om die Seun van Elohim skade aan te doen, te dwarsboom en teë te staan. Onthou dat, toe Lucifer tesame met Babel en n hele groep engele uit die hemel gewerp was, was Jahweh reeds daar as die Seun van Elohim (Gen 1 : 26; Joh 8 : 58; Spr 8 : 22 36; 1 Kor 1 : 30). Toe Elohim Sy Seun, wat lankal al uit Hom gegenereer was (Ps 2 : 7), in die wêreld inbring (Heb 1 : 6; Heb 10 : 5) het Babel alreeds n hele wêreldstelsel in werking gehad met die doel om die aandag en liefde wat die mense Hom moes gee, te steel. Is die hele Babelse stelsel nie ingestel op dinge soos liefde, aandag, opwinding, plesier en singenot, indrukwekkendheid ens. nie? Van kleins af gaan dit by die mense oor dinge soos: om jou eie sin te wil hê wat smaak, aandag, plesier en opwinding aanbetref. Almal moet jou liefhê en aanvaar, jou aandag gee en plesier. Hiervoor het Babel voorsiening gemaak. Blaai net deur een van die groot verskeidenheid tydskrifte. Vir elke smaak wat kos, klere, voorkoms, plesier en 6

7 opwinding aan betref is daar voorsiening! En dan is daar natuurlik die verslawende element: hoe meer jy van die dinge gebruik maak hoe meer wil jy dit hê en hoe minder kan jy daarsonder klaarkom. Mense begeer nie slegs kos nie, hulle wil lekker kos hê! Die klere is nie slegs klere nie, dit moet volgens die mode wees en indruk maak en die aandag trek. So ook moet voertuie, huise, ja alles! Lees Open 18 : en kyk hoe groot verskeidenheid artikels Babel voorsien het. Met watter doel? Sodat jou aandag daarop moet wees en nie op Jashuah nie. Is dit nie waarteen Hy waarsku nie? (Matt 6 : 24 34) (Matt 13 : 22; Luk 21 : 34; Luk 14 : 33; Luk 18 : 18 30). Hy weet dat, daar waar jou skat is, daar sal jou hart wees (Matt 6 : 19 21). 1 Joh 2 : waarsku ook dat ons nie die dinge moet liefhê nie. Jy sal sê: Maar ek het nie die dinge lief nie. Die toets kom nou, want Babel het geval (Jer 51 : 8; Open 18 : 16). Hulle probeer medisyne vir hom kry (Jer 51 : 8), maar daar is geen genesing nie (Jer 46 : 11). Die mense wat met haar gehoereer het gaan rou bedrywe (Open 18 : 3, 7, 14 19). Wanneer daar nie meer elektrisiteit of brandstof is nie, gaan jy anders lyk! Dan sal die regverdiges skitter en glinster (Dan 12 : 1 3; 2 Thess 1 : 5 12). 4 APRIL DIE MEDE-UITVERKORENES IN BABILON (1 PET 5 : 13) Bostaande teksvers het nou-nou in my hart opgekom en toe ek die Bybel oopslaan val my oë op die spesifieke teks. As ons in Open 18 lees hoe dat die inwoners van hierdie wêreld gaan ween en roubedryf oor die val van Babilon (Vers 9 Vers 16), dan besef ons dat die geskiedenis-boeke van hierdie wêreld het nog nie so iets verskrikliks opgeteken nie. As jy nog saam met Open 18 lees wat Jes 24 sê oor die wêreldgerig en hoe die mense uitgeroei gaan word sodat daar min oorbly (Vers 6) dan wonder ons wat gaan word van ons medeuitverkorenes in Babilon. Is jy dalk ook een van hulle? Die oproep van Elohim kom: Gaan uit haar uit, my volk, sodat julle nie gemeenskap met haar sondes mag hê en van haar plae ontvang nie (Open 18 : 4). Dit gaan beslis baie erger 7

8 gaan met die goddelose as met die regverdige (1 Pet 4 : 17 18). Maar aan die ander kant sê die Skrif dat dit beter sal wees as jy die weg van geregtigheid nie leer ken het nie, as wat jy dit gehoor het en nie gedoen het nie (2 Pet 2 : 20 22) (Luk 12 : 47 48) (Jak 4 : 17). Gelukkig is jy dus as jy na hierdie woord gaan luister en voor Elohim se aangesig gaan ondersoek doen of jy nog in Babel is. Ongelukkig is jy as jy dit nie doen nie en des te meer noudat jy soveel gehoor het (Mark 4 : 24). Tog is hierdie woord vir die uitverkorene in Babel. As God(Elohim) jou uitverkies het gaan jy gered word, want Sy verkiesing is onberoulik (Rom 11 : 29). Maar weet jy wat dit jou gaan kos as jy nie nou gewillig kom nie? Hoe later hoe kwater sê die spreekwoord. Wat sal jy doen as jy sien dat jou kind bly speel op n plek waarheen n verwoestende vuur oppad is? Jy roep en skreeu, maar hy wil nie daar wegkom nie. Tog is hy jou kind, jou vlees en jou bloed! (Hos 11 : 1 11). Vader sal jou stormloop en jou uit die vuur ruk (Judas 1 : 23). Dit kan dalk met groter pyn gepaard gaan as wat jy nou sal ondervind as jy gewillig kom. Jy kan saam met die vissers kom of die jagters (Jer 16 : 16). Kan jy dink hoe benoud is Jahweh om jou ontwil (Jes 63 : 9) hoe bekommer Hy Hom oor jou (Heb 2 : 16). Soos wat Vader in Sy groot liefde en sorg vir Lot verlos het uit Sodom so sal Hy jou ook verlos (Lees Gen 19 : 1 29). Maak jou hart oop dat Vader met jou kan spreek. Hy roep jou vandag uit Babel uit (Open 18 : 4; Jes 48 : 20; Jes 52 : 11; Jer 50 : 8 9). Hy sê nie dat jy fisies moet uitkom nie. Bv. jou werk bedank of fisies wegtrek nie. Ons sit hier op Sion met sulke mense, maar hulle hart is nog in Babilon en ook in Egipte (Hand 7 : 39). Vir baie eeue is ons en ons voorgeslagte in Babel. Jy en ek is daarin gebore. Ons sal alleenlik deur die wedergeboorte (Die geboorte van Bo) daaruit verlos kan word. Ons sal moet bid in dieselfde Gees as dié waarin Messiah gebid het (Heb 5 : 7 8). Bid dat Hy jou oë open vir Babel. 8

9 5 APRIL DIE SONDE VAN BABEL (JER 50 : 14) Babel was n instrument in die hand van Elohim (God) n tugroede waarmee Hy Israel wou straf (Hab 1 : 6 12) vir sy hoererye. Maar gedurende die tyd van die ballingskap 70 jaar (Jer 25 : 12; Jer 29 : 10; 2 Kron 36 : 21) het Elohim Hom by verskillende geleenthede aan die Koning van Babel openbaar. Lees Dan 3 : 24 30; Dan 4 : 36 37; Dan 6 : 21 29; Dan 5 : Jy sal merk dat Nebukadnesar verskeie kere erken het met sy mond dat Jahweh die enigste God (Elohim) is. Hy het dit erken maar sy maghebbers het nie. Hy het nie standpunt ingeneem teen hulle nie, want sy roem was te groot (Dan 4 : 30-31). Soos dit in daardie tyd was so is dit nou ook. En Babel het die volk van Elohim in die sonde in gedwing (Dan 3 : 4 6). Enkeles het geweier (Vers 12 18). Die volk van Elohim was dus ook skuldig, want hulle het n keuse gehad. Maar toe hulle genoeg getug was, toe die 70 jaar verby was, het die tyd vir Elohim se wraak op Babel aangebreek (Jer 27 : 4 8). Onthou hierdie gebeure is skadubeelde (Heb 10 : 1; Kol 2 : 17) van die ware beeld wat nou geopenbaar word. Die Israel van Elohim (Gal 6 : 16), die liggaam van Messiah (Efes 5 : 30) die uitverkore volk en heilige priesterdom (1 Pet 2 : 9), was vir n lang tyd in ballingskap onder die koning van Babel en ook onder die konings van Assirië en Egipte. Elohim het toornig geword teen hierdie bose vorste en hulle volkere wat Israel laat sondig het. Al die tyd, gedurende die 70 jaar die volmaakte tydperk was Vader se hart omgekeer in Sy binneste (Hos 11 : 8) en Sy medelyde opgewek oor Sy uitverkorenes wat deur sulke benoudhede gegaan het. Maar dit het alles tot suiwering van die opregtes gedien (Dan 11 : 32 35). En Hy het gedink aan Sy woord (Neh 1 : 8 11; Deut 4 : 27 31). Nou gaan Hy die uitverkorenes uitlei uit Babel en Hy gaan vir Babel die wraak van sy tempel laat ervaar (Jer 51 : 11). Ons is Sy tempel (1 Kor 3 : 16 17). Babel het die tempel van Elohim geskend (Vers 17) en daarom gaan Hy Babel skend. Daar gaan niks van hom oorbly nie. En hulle wat nie aan Hom dink daar in die ballingskap nie gaan daar omkom(lev 26 : 38 45). Die oorblyfsel keer terug en daar bly niemand meer oor nie (Eseg 39 : 28). 9

10 Jy het dus nou n keuse : of jy bly in Babel en kom saam met hom om (Open 18 : 4) of jy trek uit Babel op na Jerusalem (Heb 12 : 22; Gal 4 : 26; Open 3 : 12). Dit is n pad vol vyande, maar as jy waarlik opreg bid sal Jahweh jou veilig lei (Esra 8 : 21 31). Dit is wat ek gekies het jare gelede. Dit was n eensame pad, want daar was nie die massas van Babel wat my applous gegee het nie. Die grootste vyandskap kry jy egter van hulle wat nie saam in ballingskap gegaan het nie (Neh 6 : 1). Watter vyande ook al vir jou wag, trek net uit Babel uit, al probeer hy jou ook vashou. Vader sal jou sekerlik verlos (Jer 50 : 33 34) en Babel tref (Vers 35) (Jer 51 : 11 12). 6 APRIL JAHWEH, BRING IN HERINNERING DIE DAG VAN JERUSALEM (PS 137 : 7) Vandag begin ons met n gebed dat Jahweh in herinnering sal bring die dag waarop Hy Babel teen ons Sy volk en Sy kinders gestuur het om ons in ballingskap weg te stuur. Ons was n klein klompie hier aan die Suidpunt van Afrika. Elohim het ons hierheen gestuur met n doel. Alhoewel die Hollanders gekom het om n halfwegstasie na die Ooste te stig, (Terloops, dit is vandag presies 355 jaar gelede) het die Franse Hugenote ter wille van hulle godsdiens gevlug hierheen. Die Britse settelaars het in 1820 gekom en onder hulle geledere was talle godsdienstiges. Dit was alles maar metodes wat Jahweh gebruik het om hulle hier te kry om Afrika in besit te neem vir Sy Naam. Waarom? Want die aarde behoort aan Jahweh en die volheid daarvan (Ps 24 : 1). Almal wat Hy hierheen gebring het, het die Christelike geloof as grondslag gehad: Die Hollanders, Franse asook die Britte en Duitsers. Saam het hulle teen die goddelose gestaan, alhoewel hulle baie verdeeld was in hulle geledere en ook groot menings verskille gehad het oor die wyse waarop daar met die inboorlinge gewerk moes word. 10

11 Terwyl die blankes in bloedige gevegte betrokke was om oorlewing, het die kinders van Elohim(God) in hulle midde, net nader aan hulle Vader gelewe. Elke dag was hulle dieper afhanklik van Hom in hulle nood. Gereeld het hulle uit die Bybel gelees en gebid. Vader het hulle telkens verhoor en alhoewel baie vermoor is, het hulle tog sterker geword en tot n nasie en volk van Elohim gegroei. Toe ontdek hulle goud en diamante. Brittanje, wat deur baie eeue al regeer was deur die internasionale geldmag, het haar soldate gestuur om Suid-Afrika te kom annekseer. Hoe kon hulle so vermetel wees? Die gees van Babilon, die groot hoer (Open 17 : 1) het hulle laat glo dat die aarde aan hulle behoort. Onthou dat Satan is die owerste van hierdie wêreld (Joh 14 : 30) en hy het geen aandeel in Jashuah nie (Vers 30). Die koning van Babel het dus sy magte deur die koningin van Engeland gestuur om die kinders van Elohim te kom vernietig en die goud en skatte van Suid-Afrika te roof. En verder ook die grondgebied te behou vir Satan, want dit is aan hom oorgegee (Luk 4 : 6). Adam het dit oorgegee toe hy toegegee het aan Eva wat toe alreeds voor Satan gebuig het (Gen 3). Elohim het dus vir Engeland (Babel) gebruik om Sy volk, wat van Hom af weggehoereer het (Hos 1 : 2) agter die afgode van goud en silwer aan (Ps 115 : 3 9) dit is geld en rykdom (1 Tim 6 : 6 14) te tug sodat hulle weer op Hom vertrou en nie op geld nie (Jer 17 : 4 14). Maar, as Hy Engeland en die geldmag klaar gebruik het om Sy doel met Sy volk hier te bereik, gaan Hy hulle tref vir die wrede wyse waarop hulle 32,000 vrouens en kinders in Suid- Afrika doodgemaak het tydens die Anglo-Boere oorlog! Lees Jer 27 : 5 7; Jes 10 : Edom, n ander bose vors, het ook sy mense wreedhede laat pleeg op die dag toe Elohim met Sy volk gedeel het (Obad 1 : 10 20). Hulle gaan almal boet vir wat hulle aan die kinders van Elohim gedoen het (Matt 25 : 40, 45 46) (Ps 34 : 22). Nie vir dit wat hulle aan die Boerevolk gedoen het nie, maar vir wat hulle aan God se kinders gedoen het. Netso gaan God ook deel met ander lande en volke van die wêreld (Babel) wat wreedhede aan Sy kinders gedoen het. Bid nou daarvoor! Dit is tyd. 11

12 7 APRIL ONS BURGERSKAP IS IN DIE HEMELE (FIL 3 : 20) Patriotisme, nasionalisme en nasietrots is dinge wat nou besig is om te verdwyn in hierdie wêreld van globalization. Dis n algmene woord vandag. Dit beteken in Bybelse taal: verwêreldsing of n verbabelsing. God(Elohim) het by die toring van Babel die nasies tot stand laat kom deur elkeen sy eie taal te laat praat. (Gen. 11 : 1 9). Sy gedagte was nie dat daar weer n een wêreldtaal en volk moet tot stand kom nie. Tot aan die einde van die Bybel sien Hy nasies (Open 21 : 24) en konings. Alleenlik in Messiah kan ons mekaar verstaan (Hand 2 : 8 13). Tog het die nasies met mekaar vermeng geraak (Dan 2 : 43), maar nasionalisme kan nie uitgewis word nie, want Elohim het dit ingestel. Nie rassehaat nie. Leer selfs die natuur dit nie vir ons nie? (1 Kor 11 : 14). Nasies kan naas mekaar in vrede bestaan, maar alleenlik as Messiah, ons vrede (Efes 2 : 14), regeer (Jes 9 : 5 6)(Jes 26 : 12). Wanneer geregtigheid op hierdie aarde heers sal daar vrede wees (Jes 32 : 17; Jes 48 : 18). Daar is geen vrede vir die goddelose nie (Jes 48 : 22). Slegs Messiah gee vrede (Joh 14 : 27). Om wedergebore te wees (Joh 3 : 3 8) beteken om van Bo gebore te wees. Elohim het reeds voor die skepping jou geken as iemand wat Sy wil sal wil doen (Rom 8 : 29 30). Deur die voorkennis het Hy jou uitverkies (1 Pet 1 : 2) en Sy Gees in jou uitgestort waardeur Sy lewe in jou invloei. Dit het jou Sy kind gemaak (Joh 1 : 12 14). Ook het dit jou n burger van die hemele gemaak. (Fil 3 : 20). Die Christendom het die kindskap van Elohim oorbeklemtoon en die burgerskap van Israel nagelaat. Albei is ewe belangrik! Verder het patriotte hulle eie volk en land bo hulle hemelse burgerskap gestel. Die Engelsman voel seergemaak as daar iets teen die Britse troon gesê word en so voel die Afrikaner sleg as iets teen die Boerevolk gesê word. Die Duitser verdedig alles wat Duits is en so elke volk. Elohim is nie vir Globalization nie. Dit kom van Babel af. Vermenging is ook nie volgens Sy wil nie (Deut 23 : 1 3) nie by diere nie en ook nie by mense nie (Deut 22 : 9 11; Lev 19 : 19). Die natuur gehoorsaam dit, maar die mense nie! Maar binne in die koninkryk van Jahweh sal ons Sy insettinge hou (Eseg 36 : 27) omdat Hy Sy Gees oor ons gaan uitgiet. Dan sal 12

13 elke nasie sy identiteit hê: Boer (Afrikaner), Engelsman, Duitser, Fransman, Amerikaner ens. Maar, alhoewel elkeen sy eie taal gaan praat (Ester 1 : 22) sal ons grootste nasietrots in ons hemelse burgerskap die burgerskap van Israel (Gal 6 : 16) lê. Waarom? Omdat jou burgerskap van aardse volkere jou niks help om gered te word nie. Inteendeel, dit is n struikelblok. Dit is die geboorte van Bo (Joh 3 : 27; Jak 1 : 17) wat jou red en nie aardse nasionalisme nie. Die massas van die nasies is verlore! Geen vlees kan dus roem nie (1 Kor 1 : 29 31; Gal 6 : 15; Kol 3 : 11). Suiwer Afrikaans, Engels, Duits ens. gaan slegs in Jahweh se koninkryk gepraat word. Verder verbaster die wêreld nou. Maar hulle sal nooit vrede daardeur bekom nie. 8 APRIL PASOP VIR DIE HEBSUG (LUK 12 : 15) Jashuah waarsku ernstig teen die hebsug met woorde soos : Pasop en wees op julle hoede. Ons kan dus nie ontspanne raak rondom hebsug nie, want dit is immers deel van die kern sonde nl. trots (Jes 14 : 11; Eseg 28 : 17). Hebsug is die begeerte om te wil hê. Hierdie begeerte kan al sterker word totdat dit later n manie word: ek wil daardie ding hê, ten koste van enige iets. Jy sal jou ouers, man of vrou mal dryf om dit te kry. Baie gaan so vêr om te leen teneinde te kan koop, ander bedrieg, steel of pleeg selfs moord. Dit is darem erg, nê? Maar voor Elohim is die geringste mate van: ek wil hê ewe erg. Trots speel hier n kern rol, want jy ag jouself bo n ander en eien jou dinge toe bo ander. Jy sal nie sover gaan om vir jou medemens n motor te besorg as vir jouself nie, want jy ag jouself hoër. Tensy jy natuurlik skuldig gaan voel dat jy een het en hy nie. Dan koop jy ook maar vir hom een. Baie gee ook nie met suiwer bedoelings nie hulle wil die eer hê van gee. Dit is weer hebsug! Sien jy hoe fyn die hebsug werk! Maar, gelukkig Elohim ken die harte en sien bedekte hebsug (1 Thess 2 : 5). Maar Babel het n ideale lokval dwarsoor die aarde vir die hebsugtige mensdom gestel. Dit is die winkelvenster. Jy kan na al die mooiste goed daardeur kyk, maar nie daaraan vat nie. Om te vat moet jy binne gaan en dan is daar dadelik n winkelassistent wat jou kom help, en in die koop van die ding wat jy so graag wil 13

14 hê, inpraat. Dit is hoe die handel en besigheid werk! Maar dit is oor hierdie koophandel waaroor Elohim vir Babel en van die ander bose vorste, tref (Open 18 : 3, 11 16; Eseg 28 : 2 7. Lees ook Eseg 27 as jy tyd het). Wat was Babel se groot oortreding? Sy het daarin geslaag om die mense se oë af te trek van Jahweh die Bron van alles en plaasvervangers vir voorsiening daargestel. Met al die banke, kredietfasiliteite en assuransies het die mens Elohim(God) nie meer nodig nie. Toe ons kinders was, was die winkelvensters klein. Daar was nie selfbediening nie. Jy het met n lysie van jou behoeftes (nie begeertes nie) na die winkel se toonbank gegaan en gevra vir dit wat jy moes hê. Nou stoot jy n karretjie tussen die rakke rond. Ideaal vir die hebsug! Alles is mooi verpak en lok jou uit om te koop! Hiervoor gaan Babel betaal met sy lewe! n Verdere uitlokking is die swaai van die mode. Jou motor is nog diensbaar, maar uit die mode! Die nuwe een het ook baie aanloklike, maar nie noodsaaklike, dinge aan. Die TV en tydskrifte het alles adverteer tot die hebsug so sterk in jou brand dat jy nie kan wag en opspaar om die nuwe en te koop nie. Jy gaan reël vir n lening (Deut 28 : 12). Die klere wat jy het is nog goed, maar almal dra nou Billabong, Adidas ens., want dit is die mode! Om al die dinge wat jy wil hê, omdat Babel se gees in jou werk, te verkry, is die geld wat jy verdien ontoereikend. Jy moet leen en sodoende n groter slaaf van Babel word! (Spr 22 : 7). Roep nou tot jou Vader vir verlossing van slawerny en hebsug. 9 APRIL GODSALIGHEID SAAM MET VERGENOEGDHEID (1 TIM 6 : 6) Lees 1 Tim 6 : As dié woord in jou hart lewe en ryklik in jou woon (Kol 3 : 16) sal dit vir jou n woord van verlossing (Hand 13 : 26) uit die slawerny en mag van Babel word. Hy het jou so n verlossing belowe (Jer 50 : 33 34). Om jou te verlos moet jy roep soos die Israeliete geroep het toe hulle slawe in 14

15 Egipte was (Ex 3 : 6 7). Ons is die seun van Elohim wat in Egipte is en Hy roep ons nou daaruit (Hos 11 : 1; Matt 2 : 15), want ons is deel van Seun se vlees en bene (Efes 5 : 30) en daarom moet ons vry wees (2 Kor 3 : 17). Ons mag nie slawe wees nie. Die Jashuah, wie se liggaam ons is (1 Kor 12 : 12 27), het nie n huis gehad nie en ook nie n beurs nie. Hy het nie nodig gehad om al die besittings op een plekkie te vergader nie n standplaas met Sy huis, motor en besittings nie, want alles behoort aan Hom (Ps 24 : 1 2). So behoort alles ook aan ons (1 Kor 3 : 21; 1 Joh 4 : 17). Ons is die erfgename van die hele wêreld (Rom 4 : 13 16). Ons is mede-erfgename van Messiah (Gal 4 : 6 7; Rom 8 : 16 17). Gister was die woord n waarskuwing teen hebsug. Die oplossing en verlossing daarvan is vergenoegdheid. Ja, eerste seker die godsaligheid. In 1 Tim 4 : 8 sê die Skrif dat die godsaligheid baie belangrik is. En om jou daarin te oefen belangriker is as die liggaamlike oefening. Die godsaligheid het die belofte vir die teenwoordige lewe asook die toekomstige. Maar die godsaligheid sonder die vergenoegdheid gaan nie op n oorwinningslewe uitloop nie. Die groot wins kom eers wanneer jy vergenoegdheid ontvang. Vergenoegd beteken om ten volle tevrede te wees met wat jy het (Heb 13 : 5) (Luk 3 : 14). Tevrede met jou werk, jou huis, tuin, meubels, klere, kos, motor ens. Jy sal vir my sê: Maar ek kan nie tevrede wees met my vet liggaam nie. Is jy nie tevrede met die wyse waarop Vader jou laat maai wat jy gesaai het nie? Was dit nie jou bedorwe smaak en jou onversadigbare lus na lekker kos wat jou so vet gemaak het nie? As jy vergenoegd was met groente en water soos Daniel en sy drie vriende (Dan 1 : 12 17) het jy dalk nie nou met n gewigsprobleem gesit nie. Maar wees nou tevrede met Vader se metode om jou tot besinning te roep! Alles werk mos ten goede mee vir jou, as jy Hom liefhet (Rom 8 : 28). Hy wil jou aan Sy beeld gelyk maak (Vers 29). Hy is seker nie oorgewig nie. Hier lê n tyd voor waar die elektrisiteit gaan afgaan, brandstof nie beskikbaar gaan wees nie waarin jy vergenoegd sal moet wees met die kos en klere wat Vader vir jou gaan gee. Moenie wag tot Hy al die dinge wat jy in jou welluste begeer (Jak 4 : 1 3) met geweld by jou wegneem nie. Laat die bloed van Sy kruis jou nou verlos deur jou te laat sterf t.o.v. Babel en al die mooi en lekker dinge wat hy jou aanbied. (Gal 6 : 14). Eerstens sal jy jouself gewillig moet verklaar om deur 15

16 Sy Gees oortuig te word (Joh 16 : 7 12), want dalk lyk die dinge wat ek skryf na onsin en dwaasheid (1 Kor 2 : 12 14; 1 : 18). 10 APRIL ALMAL WATERDRINKERS (ESEG 31 : 16) Eseg 28 : vertel hoedat Tirus vroeër n gerub met uitgespreide vlerke was (Vers 14) en hoe hy deur sy hoogmoed tot n val gekom het en van die heilige godeberg afgewerp is. Tirus, tesame met die vorste Egipte, Babel, Assur, Moab en n hele reeks van hulle is saam met Lucifer (Satan) uit die hemele gewerp a.g.v. n rebellie teen God(Elohim). Lees ook Jes 14 : en Dan 10 : Dan 10 : 13; Eseg 25, 26, 27, 28, 29, 39, 31, 32 handel oor profesië teen dié vorste en die volkere wat hulle name dra (Ps 49 : 12 14), Nou sê ons teks (Eseg 31 : 16) dat hulle almal waterdrinkers is. Water is n tipe of skadubeeld van die Heilige Gees (Joh 7 : 38 39). In die Skrif lees ons van die lewende water (Vers 38), maar ook water wat sout is (Eseg 47 : 11), troebel waters (Eseg 34 : 19), bitter waters (Ex 15 : 23). Maar, as jy die sout, bitterheid en onsuiwerheid kan uitfiltreer het jy suiwer water. Die uitgiet van die laat reëns (Joël 2 : 23, 28) is die uitstorting van die Heilige Gees (Hand 2 : 16 18) op alle vlees. Dit kom in twee stadiums: die vroeë reëns op Pinksterdag en die laat reëns in ons dae. Maar wat treffend is, is dat hierdie bose vorste of owerhede (Efes 6 : 12) van die duisternis, is ook van die water afhanklik. Hulle is almal waterdrinkers. Waar Elohim Sy Gees uitstort, daar werk hulle ook met groter krag. Wie gee hulle die water? Elohim doen dit want Hy skep die lig en die duistenis, die heil en die onheil (Jes 45 : 6 8; Jes 54 : 16). Werk Satan dus vir Elohim? Ja, alle dinge werk vir Hom 16

17 (Ps 119 : 91). Soos in n skaakspel sit Jashuah aan die Lig-kant en Satan aan die duisternis-kant, maar Elohim bokant hulle. En Hy laat hulle speel, Hy werk elke skuif (Lees Job 12 : 13 25). Elohim werk alles, in die hemel en ook op die aarde (Ps 135 : 6) en niemand bevraagteken Hom nie Rom 9 : Dit is Sy wil dat die teëstand groter moet word, namate Sy heerlikheid uitgestort word. Hy het Sy Seun uitgelei in die woestyn om versoek te word (Matt 4 : 1). Hy vervul Saul met n bose gees terwyl Hy Dawid met Sy Gees vervul (1 Sam 16 : 13 14) (1 Sam 19 : 9 10). Elohim stuur bitter en troebel waters in die goddelose in om hulle aan te vuur teen ons. Hoekom? Hoe groter die duisternis hoe wonderliker die lig. Hoe groter die teëstand, hoe heerliker die triomf. Hoe groter die nood, hoe swakker word jy en hoe meer bid jy in jou nood (Jona 2 : 1 10) en dan openbaar Vader Sy krag (2 Kor 12 : 9 10; Deut 32 : 36). Jy moet dus weet dat hoe meer jy bid vir die laat reëns, hoe meer stort Vader dit uit, maar dit reën op die koring en die onkruid. Moenie dink dat omdat die Skrif sê dat Satan saai die onkruid dat dit nie ook van Elohim afkom nie. En hoe meer dit reën, hoe meer groei die onkruid! Elohim is besig om n wapenskouing (Jes 13 : 4) te hou. Hy weeg die wapens van die duisternis op teen die van die Lig. Hy laat albei tot hulle maksimum kom en dan triomfeer Hy die Lig oor die duisternis (Joh 1 : 5). Wees dus nie bevrees as die duisternis nou groot word nie. Die lig is groter! 11 APRIL NOU SAL NIKS MEER VIR HULLE ONMOONTLIK WEES NIE (GEN 11 : 6) Die Babel van Gen 11 en die Babel van vandag is dieselfde. Elohim(God) het hulle taal in daardie dae verwar en hulle oor die aarde verstrooi (Gen 11 : 6 9). So het die bedreiging dat niks meer vir hulle onmoontlik sal wees van wat hulle van plan is om te doen nie, opgehou. Maar net vir n tyd, want gaandeweg het 17

18 die nasies weer mekaar se taal begin leer en uiteindelik het daar uit die Romeinse taal (Latyn), asook Grieks en Germaans weer n wêreld-taal nl. Engels ontstaan. Met Engels kom jy in die meeste lande oor die weg nie almal nie. Tog is die Globalization besig om in die rigting te beweeg waarin die nasies verkeer het voor die toring van Babel: een taal en een onderneming. Ek lees die Time Magazine. Dit is n tydskrif van die Internasionale geldmag of Illuminate. n Aantal weke gelede lees ek n artikel oor die internet waar n persoon sê: Now that we have internet, nothing will be impossible anymore. Die internet het n internasionale bank van inligting en kommunikasie beskikbaar gestel vir elke mens op die aarde. Jy kan enige inligtig van die internet trek: enige musiek, resepte vir enigiets brood, bier, verf, seep atoombom ens. Jy kry jou pos daardeur, doen jou sake, kry jou roete aanduidings wanneer jy reis ens.... wat sal ek nog sê? Laat iemand wat oor die kennis van die internet beskik jou vertel. Jy sal verstom staan. Sataliete wat om die aarde wentel maak al die dinge moontlik. Hulle voer oorlog daardeur, hou jou dop op so fyn manier dat n persoon in Amerika vir jou kan laat weet dat jou voordeur oopstaan. Hulle sê Big Brother se alsiende oog hou jou dop. Hulle weet alles van jou af sodat jy niks meer kan verberg nie. Die tegnologie vorder so vinnig dat hulle bykans enige ding kan doen. Hulle kan egter nooit skep nie. Maar weldra gaan die mensdom slawe wees van Babel, Assur, Egipte ens. Eintlik is hulle dit reeds (Open 18 : 13). Hulle begin reeds radeloos word (Luk 21 : 25 26). Die mens, onder inspirasie van die Bose, wil Elohim uitskakel en oorbodig maak. Hulle wil weer n toring bou (Gen 11 : 4) nie fisies nie wat tot aan die hemel ryk. Hule wil in die tempel van Elohim sit en hulle as Elohim voordoen (2 Thess 2 : 3 4). God beteken die groot een. Hulle word nou die groot een en het Hom nie meer nodig nie. Al meer word ons ingedwing in Babel se stelsels. Die hele wêreld lê in die mag van die Bose (1 Joh 5 : 19). Maar ons, wanneer ons uit Elohim gebore is, het die Bose geen vat op ons nie (1 Joh 5 : 18). Jashuah het die werke van die duiwel verbreek (1 Joh 3 : 8) en in Hom het ons hom oorwin (1 Joh 2 : 13 14). Nou kroon ons Jashuah as die groot Een al doen die wêreld dit nie (1 Kor 8 : 4 6). Ons onderwerp en verneder ons voor Hom. Hoe meer Sy Gees werk, hoe meer gaan die Bose vorste ook werk (Eseg 31 : 16). Maar ons hand sal altyd bo ons vyand s n verhewe wees (Miga 5 : 8). Stem saam in die 18

19 gebed (Matt 18 : 19) dat Vader die woord nou sal vervul: dat ons Koninkryk bo Babel s n sal triomfeer (2 Kor 2 : 14). 12 APRIL HOU GOEIE MOED, EK HET DIE WêRELD OORWIN (JOH 16 : 33) As n mens so sit en peins oor dit wat in die wêreld aangaan begin jy besef dat ons in n toestand van slawerny verval het. Ons het slawe geword van Satan en al sy bose magte. As die Vader nie in Sy groot liefde dit aan jou openbaar nie, sal jy nie weet waarom jy net nooit die gevoel van vryheid het nie. Jy voel altyddeur vasgebind. Ware, goddelike blydskap en vrede ondervind jy maar min. Al wat dit gee is geld. As jy n klomp geld kry dan is jy bly en solank dit in die bankrekening lê, het jy vrede. Maar, onthou dit is die vrede wat die wêreld gee nie dit wat Jahweh gee nie (Joh 14 : 27). Netso met die blydskap. As jy net dink in hoe geweldige mate die mens slawe geword het van geld. Jy het nie meer n fontein om water te gaan skep nie, jy moet dit koop by die munisipaliteit. Jy maak nie meer jou eie vetkerse nie. Jy moet krag koop vir jou ligte. Jy kap nie meer hout in die bos nie. Jy moet kole of krag koop om jou kos mee gaar te maak. Al jou masjiene werk met elektrisiteit waarvoor jy moet betaal met geld. Jy het nie meer n perdekar nie. Jy moet n motor koop vir geld en dit ook ten duurste aan die gang hou. Dit kos nou R500 (2007) om my bakkie se tenk vol te maak en dis oppad na R1000 toe! Jy het nie meer hoenders wat eiers lê en wat jy kan slag nie. Ook nie n koei vir botter, melk en kaas nie. Jy moet alles koop. So kan ons voortgaan om nog duisende dinge te noem waarvoor jy alles ten duurste moet betaal. En as jy nie geld het om te betaal nie? Dan sit hulle jou uit jou huis, hulle vat jou motor en laat jou doodgaan van die honger en selfs mediese hulp is duur. Geweld, roof, moord, diefstal ens. is aan die orde van die dag. Intussen 19

20 word die mense vinnig meer. Die wêreld is algeheel oorbevolk (Jes 14 : 21). Jy kan nie meer op die polisie staatmaak nie. As jy na n geregshof wil gaan oor onreg aan jou gedoen, moet jy opdok. As jy nie geld het nie sal daar ook nie reg aan jou geskied nie. Intusen word jy al swaarder belas en alles word vinnig onbetaalbaar duur. Om gebore te word is duur en om te sterf is nog duurder. Selfmoord die duurste dit kan jou die ewige lewe kos! Ons is slawe! Hoe het ons hierin beland? Is Elohim onregverdig? Lees Neh 9 : Die volk van Elohim verklaar Hom regverdig (Vers 33) en dan sluit hulle n verbond met Hom (Vers 38). Lees Ps 121. Hy is ons enigste oplossing. Jy vra hoe gaan Hy ons hieruit verlos? Moenie! Lees Ps 78 : Hy sê: Hou goeie moed, Ek het die wêreld oorwin. (Joh 16 : 33). Dit is so belangrik dat Elohim se getuienisse in jou hart moet begin lewe. Ek sê later meer daaroor, maar bid Hom solank dat Hy die geloof in jou hart gaan werk om te glo dat Hy op een of ander wonderlike wyse n plan gaan openbaar waardeur ons uit hierdie wêreld verlos sal word. Hy het dit reeds oorwin namens ons (1 Joh 2 : 13 14; 1 Joh 4 ; 4) (Rom 8 : 31 39). 13 APRIL EK HET U GETUIENISSE VIR EWIG AS ERFDEEL (PS 119 : 111) Die Kinderbybel het ons mooi stories van Liewe Jesus vertel. Ek glo dat die fabels verskil vir verskillende kinders. Sommige onthou dit as Bybelstorietjies, maar die ander het die getuienisse van Elohim(God) in hulle hart gebêre. As kind het die groot en onbeskryflike dinge wat Jahweh vir Sy Naam gedoen het, toe Hy Sy volk uit Egipteland uitgelei het, my aangegryp (Ps 114 : 1 8; Ps 78 : 1 29). Baie keer as ek in die nood was het die Heilige Gees my herinner aan al die dinge wat Hy gedoen en gesê het (Joh 14 : 26). Dit is die getuienisse van Elohim waarvan Ps 119 spreek: Verse 2, 14, 22, 24, 31, 36, 46, 59, 79, 88, 99, 111, 119, 125, 129, 138, 144, 152, 157, 168. Ek besef dat dit n klomp oplees werk gaan 20

21 verg om al die Skrifte te lees, maar ek gaan môre verder met jou praat oor die getuienisse van Elohim, wat Hy as ewige erfdeel aan jou gegee het. Hierdie is alles getuienisse waarin Hy getuig van wat Hy gedoen het in die verlede. Maar ook is dit n getuienis van dit wat Hy vandag nog kan doen en wil doen vir Sy gunsgenote hulle wat die verbond by die offer sluit (Ps 50 : 2 5, 15). Vandag moet jy net ernstig bid dat Vader hierdie getuienisse van alles wat Hy gedoen het t.o.v. sy Naam, in jou hart sal laat lewe en ook die geloof dat Hy nou ook, as Hy dit nodig ag, die see vir jou sal kloof, of n tafel sal dek in die woestyn, of enige van daardie wonders sal doen ter wille van Sy Naam. 14 APRIL DIE GETUIENIS VAN ELOHIM IS GROTER (1 JOH 5 : 9) In die kerke word daar deesdae nogal n groot ophef gemaak oor die getuienis van mense. Hulle vertel dan van alles wat Vader vir hulle gedoen het. In sommige gevalle dien dit ook as iets waaroor n gemeente spog n soort van advertensie van die dinge wat Jahweh in hulle kerk doen. Dit lok dan ook baie keer groot skares van mense. n Getuie is iemand wat iets gesien, gehoor of ondervind het. 1 Joh 5 : 9 sê: As ons die getuienis van mense aanneem die getuienis van Elohim is groter. Die wêreld se regstelsels vertrou baie op die getuienis van mense. Dit kan lei tot die teregstelling van beskuldigdes. Selfs die Ou Testamentiese wet het bepaal dat in die mond van twee of drie getuies die woord vasstaan (Deut 19 : 15 19; Joh 8 : 17). Daar is ook gevalle waar valse getuies tot iemand se onregverdige dood gelei het (1 Kon 21 : 10 13). Jashuah sê dat Hy die getuies van mense nie aanneem nie (Joh 5 : 34), want Hy weet self wat in die mens is (Joh 2 : 24 25). Tog het Hy Johannes die Doper voor Hom uitgestuur om van Hom te getuig (Joh 1 : 7; Joh 1 : 19 34; 3 : 27 33). As die getuienis deur n Heilige Gees vervulde kom (Luk 1 : 13 17) soos Johannes die Doper dan het die getuienis aangaande 21

22 Jashuah baie krag, maar as die vleeslikes van Hom getuig, het dit geen krag nie en dien dit slegs tot advertensie en promosie van n prediker of n mensgemaakte kerklike denominasie! Daar is egter meer wat getuig as mense. Lees 1 Joh 5 : 1 8. Hier praat die Skrif van die getuienis van die Vader, die Woord en die Heilige Gees en dan ook die water en die bloed. Elohim(God) se getuienis is die grootste! Wanneer Hy getuig dat jy Sy Seun is soos wat Hy van Jashuah getuig het: Dit is My geliefde Seun (Matt 3 : 17; Matt 17 : 5; 2 Pet 1 : 17) dan is dit n getuienis voor Sy heilige engele, voor die uitverkorenes in Messiah, asook voor Satan, sy engele en bose geeste. Ook voor die goddelose! Nou is dit nie meer jy wat voor die mense getuig dat Elohim jou siel gered het en dat jy nou n wedergebore Christen is nie, maar dit is die Almagtige God Elohim wat getuig dat jy n ledemaat van die liggaam van Sy Seun is (1 Kor 12 : 12 27; Efes 5 : 30). Hy getuig dus dieselfde van jou as van Sy Seun omdat jy deel is van Sy Seun van wie Hy sê: Dit is My geliefde Seun. Die getuienis is dus nie dat jy n besonderdere mens is nie. Hy getuig van die besondere genade wat Hy deur Sy Seun geopenbaar het, deur jou n helverdiende sondaar deel van Sy Seun se liggaam te maak. Waar is die roem? Dit is uitgesluit! (Rom 3 : 27 28; 1 Kor 1 : 27 31; 2 Kor 12 : 5, 9). Hy getuig dat Hy jou uitverkies het in Sy Seun (Efes 1 : 4 6) en jou verordineer het om gelykvormig te wees aan die beeld van Sy Seun (Rom 8 : 28, 29). Hy getuig ook dalk dat jy die Bruid van Sy Seun is (Open 19 : 6 10; Open 21 : 9 11). Maar dit is alles dinge wat Hy van jou getuig en nie wat jyvan jouself getuig nie(joh 5 : 31, 34; 8 : 13, 14). 15 APRIL DIE VERSKYNING VAN JASHUAH MESSIAH (1 TIM 6 : 14) Die Christendom sien die wederkoms van Messiah (Hand 1 : 11) en Sy verskyning as een en dieselfde gebeurtenis. As jy Vader vra om met jou deur die 22

23 lewende woord daaroor te praat sal jy agterkom dat dit nie so is nie. Dit is nie een gebeurtenis nie, maar twee. Die verskyning van Messiah vind plaas voor Sy wederkoms. Dit gebeur deurdat Messiah Hom openbaar deur Sy liggaam. (1 Kor 12 : 12 27). Hiervoor is dit belangrik om n openbaring van Sy liggaam te kry. Baie Christene verkondig dat die waarhede oor die liggaam van Messiah slegs n analogie of metafooris. Hulle glo dat ons nie werklik deel is van Sy liggaam nie, maar dat ons eenheid met Hom as die Hoof (Efes 1 : 22 23; Efes 4 : 15 16; 5 23, 30) soos n hoof en die ledemate van n liggaam is. Dit is dus, volgens hulle, slegs n illustrasie of verduideliking, maar dit is nie wat die Skrif leer nie. Lees 1 Kor 12 : Hy begin met soos, maar vers 13 verklaar dat ons deel van Messiah se liggaam is en nie soos ledemate van n liggaam is nie. Ook vers 27 verklaar dit ronduit: Maar julle is die liggaam van Messiah en lede afsonderlik. Ook Efes 5 : 30 verklaar:... ons is lede van Sy liggaam van Sy vlees en van Sy bene. Voordat jy die woord oor die verskyning van Messiah deur Sy liggaam sal kan verstaan sal jy eers n openbaring van die liggaam, waarvan Hy die Hoof is, moet kry. God(Elohim) het vir Hom n liggaam berei. Lees Heb 10 : 5, 10. Lees dit weer en vra vir Vader om dit vir jou oop te maak (Luk 24 : 45). Bid Hom dat Hy vir jou verligte oë van jou verstand sal gee, sodat jy kan weet wat die hoop van Sy roeping en wat die rykdom van die heerlikheid van Sy erfdeel onder die heiliges is (Efes 1 : 18). Dit is n definitiewe werking van die Gees van Elohim in jou wat jou die openbaring van Hom gee (Vers 17). Lees ook 1 Kor 2 : En hiervoor moet jy bid ernstig bid! Dit sal nie sonder gebed plaasvind nie. Die gevaar is daar dat jy, sonder ernstige gebed, met jou verstand, wat steeds nog nie verlig is deur die Heilige Gees nie, mag glo dat jy wel n openbaring van die liggaam van Messiah het en dit tog nie het nie. Dan mislei jy jouself (1 Kor 3 : 18 20) (Gal 6 : 3). Die openbaring moet dus van Bo af kom. Daar is niks wat nie van Bo kom, wat tot die lewe lei nie (Joh 3 : 27; Jak 1 : 17; 1 Kor 4 : 7). Alle lewe en heil kom van Bo. So ook die openbaring van die liggaam van Messiah. Jy mag dink dat jy n openbaring van die liggaam van Messiah het, maar maak seker (2 Kor 13 : 5) dat dit van Bo kom, want die openbaring m.b.t. die verskyning van Messiah deur Sy liggaam, bou voort op die openbaring m.b.t. die liggaam van Messiah. Messiah gaan op hierdie aarde verskyn aan die mensdom, nog voordat sy wederkoms gaan plaasvind. Dit is waarom Hy die Heilige Gees uitgestort het 23

24 (Joh 16 : 7 15; Joh 14 : 16 17) om by ons te bly en in ons te wees (Vers 17). Soos wat hulle die apostels as metgeselle van Jashuah erken (Hand 4 : 13) gaan dit nou weer wees, maar dit gaan groter en heerliker openbaring van Messiah wees. Groter as wat by Stefanus se dood plaasgevind het (Hand 6 : 8 15; 7 : 54 60). Die mensdom gaan Messiah sien in ons. Hulle sal moet erken dat Hy in ons is. Natuurlik sal Satan dit probeer teëstaan, maar hy sal nie daarin slaag nie! Messiah sal sekerlik verskyn deur Sy liggaam, want die mond van Jahweh het dit gespreek! 16 APRIL ALMAL WAT SY VERSKYNING LIEFGEHAD HET (2 TIM 4 : 8) Al sou Messiah nog talm om te kom (met Sy wederkoms) (2 Pet 3 : 1 14) (Matt 25 : 5) moet ons nie toelaat dat dit ons verhinder om die verskyning van Messiah, wat nou moet plaasvind (2 Tim 1 : 10), n allerbelangrike prioriteit in ons lewens te maak nie. Is dit nie dalk een groot rede waarom Jashuah talm nie? Almal se oë is op die wederkoms. Ek weet nie hoeveel verlang om Messiah te sien kom slegs omdat hulle uit die huidige ellendige toestand op hierdie aarde verlos wil word nie. Vir hulle geld die woord in Amos 5 : 18. (Lees dit asb.) Die rede waarom baie die wederkoms as dié oplossing sien vir die al groter wordende nood waarin ons verkeer, is omdat hulle nog nie die volle oorwinning in Messiah deelagtig geword het nie. Die duisternis kan mos nie die lig oorweldig nie. Wil hulle dan die wederkoms n dag van ontvlugting maak, net omdat hulle nie die geloof gehad het om staande te bly nie? Ek het by baie wat aan die wegraping voor die verdrukking glo, hierdie tendens gevind. Hulle sukkel en kry swaar op hierdie aarde en daarom verlang hulle na die wegraping. Een oomblik! En dan is hulle verlos van al hulle ellende! Gaan dit so werk? Jy moet seker daaroor uitsluitsel kry! Nee, Elohim(God) gaan ons só verlos van al ons vrese, deur die bloed van die kruis, dat ons die vreeslose lewe van Messiah só stromend deur ons gaan ervaar, 24

25 dat ons gaan triomfeer in al ons verdrukkinge (2 Kor 2 : 14). Hy het mos reeds oorwin (Kol 2 : 15) en daarom het ons die oorwinning in Hom (1 Joh 2 : 13 14). Daarom vrees ons vir niks wat ons sal ly nie (Matt 10 : 28 31; Open 2 : 10). As jy die verskyning van Messiah, wat nou moet plaasvind, gaan liefkry (2 Tim 4 : 8) sal jy so n openbaring van Hom in en deur jou ervaar dat jy waarlik geen vrees meer gaan hê nie. Jy sal Sy geloof, liefde, lydsaamheid, vrede, krag en heerlikheid in so oorvloedige mate ervaar dat jy vreesloos sal wees. Sy vreesloosheid sal ook deur jou vloei. En nie net deur jou nie, maar ook deur elkeen wat Sy verskyning liefhet. Dit vloei deur elke ledemaat van die liggaam van Messiah. Saam met die Hoof wat Messiah is en ons elkeen, is ons die liggaam van die Seun van Elohim, besig om te groei tot die volle gestalte van Messiah (Efes 4 : 12 13). Hierdie woord moet jy liefkry. Dit moet vir jou kosbaar word. Bid daarvoor! 17 APRIL JULLE SAL MY GETUIES WEES (HAND 1 : 8) Die Griekse woord vir getuie is Martus en dit beteken martelaar. Dit beteken ook iemand wat iets gesien het toe dit plaasgevind het. Ons is seker almal goed bekend met die getuienisse wat vandag in die Christelike kringe so algemeen is. Almal getuig van groot dade van n goeie God wat hulle uit alle benoudhede verlos! Dit is reg as dit die Gees is wat deur hulle getuig (Joh 15 : 26) en nie hulle wat uit hulleself (vlees) getuig nie (Joh 5 : 34). Maar, die ander betekenis van die woord getuie, nl. martelaar, is onbekend in meeste Christene se lewe. Satan het dit vir hulle verberg! Daarom dink die 25

26 meeste dat iets vreemds oor hul kom as hulle vervolg word (1 Pet 4 : 12 19). Hulle besef nie dat dit normaal is vir n getuie van Jashuah om vervolg te word nie (2 Tim 3 : 12). Dit is immers wat die woord getuie beteken! As die Heilige Gees oor jou kom ontvang jy krag om n martelaar van Jashuah te wees (Hand 1 : 8). Dit beteken dat jy onder martelende omstandighede n bewys sal wees dat Jashuah opgestaan het uit die dode. Lees Luk 24 : Jashuah sê dat wanneer die dissipels met die Heilige Gees se krag aangedoen is, sal hulle getuies wees van Messiah se kruisdood en opstanding uit die dode op die derde dag. En julle is getuies van hierdie dinge (Vers 48). Van Wat? Van die feit dat Hy gekruisig is en op die derde dag opgestaan het. Jy is dus die bewys onder martelende omstandighede dat Messiah opgestaan het uit die dood en nou lewe! Weet jy dat daar geen ander bewys is dat Messiah uit die dode opgestaan het nie!? Jy is die enigste bewys. Ons kan bewys dat Elohim(God) lewe. Lees Rom 1 : 20. Maar dat Messiah lewe kan nie bewys word sonder dat jy en ek onder martelende omstandighede die lopende bewys is dat Messiah lewe nie. Lees Hand 3 : 15; Hand 5 : 32; 13 : 31). Is dit nie wat gebeur het toe die eerste martelaar (Stefanus) met klippe doodgegooi is nie (Hand 6 : 8 15; Hand 7 : 55 60). Was Stefanus nie hier onder martelende omstandighede die bewys dat Messiah se opstanding n onbetwisbare waarheid is nie? Selfs Paulus, by wie se voete die klere van die wat Stefanus gestenig het neergesit is, het sekerlik die getuienis dat Messiah opgestaan het, raak gesien! Want hoe kan iemand met n blink gesig staan en opkyk na die hemel terwyl die klippe op hom reën? So het miljoene martelare deur die hand van die pouse en keisers gesterf deur die donker Middeleeue. Oral was daar getuienisse dat gesinne op die brandstapels gestaan en sing het, terwyl die vlamme om hulle lek! Is dit menslik moontlik? Nee, dis bo-menslik! Waarom het Jahweh nie daardie martelare weggeraap voor die marteling nie? Nee, dit is juis in die donkerste oomblikke wat die lig die beste geopenbaar word. Die opstanding van Messiah is die bewys dat Hy die Seun van Elohim is (Rom 1 : 4; 1 Pet 1 : 3), maar ons die die getuies daarvan onder martelende omstandighede. 26